LEVÍTICO 1:9 - Dios Rimashca Shimicunami

⁹ Chai huagrata cujllataj chunllullicunatapish, changa aichatapish yacuhuan maillachun. Chaitaca altar jahuapi cura tucuita rupachichun. Chashna tucui cushpa tucui rupachishcami, Mandaj Diospajca sumaj mishquijllata ashnacuj canga.

LEVÍTICO 1:9 Iomraidhean Croise

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

1 CRÓNICAS 6:34

Samuelca Elcanapaj churimi. Elcanaca Jerohampaj churimi. Jerohamca Elielpaj churimi. Elielca Toapaj churimi.

2 CRÓNICAS 4:6

Shinallataj maillangapaj yacuta charingapajmi, broncellamantataj chunga malta tanquecunata rurarca. Chai tanquecunataca, Diospaj huasi c'uchupimi pichcataca alli ladoman, pichcataca lluqui ladoman churarca. Chai tanquecunapi apamushca yacuhuanca, tucui rupachingapaj Diosman cushca animalcunapaj aichatami maillajcuna carca.

SALMOS 51:6

Quiquinca mana llullatami yallitaj c'uyangui. Yachaj canataca pacallapimi yachachishcangui.

SALMOS 66:15

Tucuita cushpa rupachina animalcunata, huirayashca animalcunata cushami. Mishquijllata ashnacuj quiquinpajman chayachunca carnerocunata cushami. Quiquinman cushpa rupachinacunataca torocunatapish, c'ari chivocunatapish cushami. Selah

ÉXODO 12:9

Chai animalpaj aichataca chahuata cashpapish, yacupi yanushcata cashpapish imata ama micunguichijchu. Umatapish, chaqui maquicunatapish, chunllullicunatapish, aichatapish tucuita cusashcata micunguichij.

ÉXODO 29:18

Mandaj Diosman cushcaca pai munashca shina mishquiman ashnacuj cachun, chai carneropaj aichataca tucuita altar jahuapi rupachingui.

ÉXODO 29:25

Chai q'uipaca paicunapaj maquicunamanta japishpa Mandaj Diosman cushcaca pai munashca shina mishquiman ashnacuj cachun, tucuita cushpa rupachinahuan tandachishpa altarpi rupachingui.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

EZEQUIEL 20:28

Ñuca maquita alzashpami, chai llajtataca cushatajmi nircani. Chai llajtaman pushamujpica, chai llajtapi tiyaj jatun lomacunata, p'angasapa yuracunata ricushpaca chaipimi animalcunata cushpa huañuchircacuna. Ñuca mana ricunachishcacunatami chaicunapi curcacuna. Shinallataj mishquijllata ashnaj inciensotapish chaipimi rupachircacuna, vinotapish chaipimi tallircacuna ninmi ningui.

EZEQUIEL 20:41

Cancunataca shujtaj runacunapurapi, shujtaj llajtacunapi caipi chaipi causacujpi tandachishpaca, mishquijllata ashnacuj inciensota shinami chasquisha. Chashnami cancunamantaca shujtaj llajtacunapi causajcunapaj ñahuipica, ima juchachina illaj ricurisha.

EZEQUIEL 40:38

Chai corredor ucupica, jatun ucumi tiyarca. Chai ucuman yaicuna punguca, jatun patacunatami charirca. Chai ucupimi, Diosman cushpa tucui rupachina animal aichataca maillangacuna.

LEVÍTICO 1:13

Chunllullicunatapish, changa aichatapish chai cucujllataj yacuhuan maillachun. Curaca altar jahuapi tucuita cushpa rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:17

Chai animaltaca ishqui alascunapi japishpa cucujllataj chaupichun. P'itirijtaca ama chaupichun. Curaca altarpi yanta rupacun jahuapi rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 2:16

Yuyarinapaj cachun chai grano cutashcataca ashata aceitendij, inciensondij cura japishpa rupachichun. Chaica Mandaj Diosman cushpa rupachishcami.

LEVÍTICO 2:2

Chaitaca, Aaronpaj churi curacunapajman apachun. Chai cutataca maillata aceitehuan, inciensohuan churashcata paipaj maqui jundata cura apashpa altar jahuapi rupachichun. Yuyarinapaj cachunmi chashna rupachinga. Chai cushpa rupachishcaca Mandaj Diospajca mishquijllata ashnacujmi canga.

LEVÍTICO 2:9

Mandaj Diosman cuna cashcataca, ashata cura apashpa altar jahuapi rupachichun. Yuyarinapaj cachun chashna rurachun. Chashna cushpa rupachishcami Mandaj Diospajca mishquijllata ashnacuj canga.

LEVÍTICO 3:11

Tucui chaicunataca curami altar jahuapi rupachinga. Chashna cujpimi Mandaj Diospajca mishquijllata ashnacuj micui canga.

LEVÍTICO 3:5

Chaicunataca, Mandaj Diosman tucuita cushpa tucui rupachina altar jahuapi Aaronpaj churicuna rupachichun. Chashna cujpimi Mandaj Diospajca sumaj mishquijlla ashnacuj canga.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 6:14

Mandaj Diosman cunata mandashcaca caimi: Chaitaca Aaronpaj churicunami, Mandaj Diospaj ñaupajpi caj altar ñaupajpi Mandaj Diosman cungacuna.

LEVÍTICO 8:21

Chunllullicunatapish, changa aichacunatapish tucui maillashca q'uipami, Moisesca chai carnerotaca tucuita altar jahuapi rupachirca. Mandaj Dios ima shinalla Moisesta mandashca shina Mandaj Diosman tucuita cushpa rupachishcaca, paipaj mishquijllata ashnacuj cachunmi chashna rurarca.

LEVÍTICO 8:28

Chaicunata paicunapaj maquimanta Moisesllataj cutin japishpami, altar jahuapi tucuita cushpa rupachicushca jahuapi churashpa rupachirca. Chashna rurajpimi Mandaj Diospajlla cachun ch'icanyachicushpa Mandaj Diosman cushpa rupachishcacunaca paipajca mishquijllata ashnacuj carca.

LEVÍTICO 9:14

Chunllullicunatapish, changa aichatapish ña tucui maillashca q'uipaca Mandaj Diosman tucuita cushpa altar jahuapi tucui rupachicun jahuapi churashpami rupachirca.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

NÚMEROS 15:3

Mandaj Diosman cushpa rupachina ofrendata cunguichij. Chaicunataca vacacunata cashpa, ovejacunata cashpa Diosman cushpa tucui rupachina cajpi, Diosman cushpa huañuchina cajpipish, cushami nishcata pajtachishpa cucushpapish, mana cashpaca cuna munaita charishcamanta cucushpapish, mana cashpaca cancunapaj jatun fiestapi Mandaj Diosman cuna cashcata cucushpapish, Mandaj Diospaj mishquiman ashnacuj cachun cunguichij.

NÚMEROS 28:11

Quilla callari punta punllapica ishqui bizita, shuj carnerota, shuj huatayuj canchis c'ari ovejata Mandaj Diosman cushpa tucui rupachichun. Chai animalcunaca ima mana tucushca cachun.

NÚMEROS 28:7

Tallina vinotaca shuj hinta chuscupi chaupishca, shuj parteta cada malta c'ari ovejahuan cuchun. Ashtahuan alli vinotaca Diospajlla ucupi Mandaj Diospaj ñaupajpi tallichun.

NÚMEROS 28:8

Caishuj malta c'ari ovejataca chishita cuchun. Tutamanta imallahuan cushca shinallataj cuchun. Tallina vinotapish tutamanta cushca shinallataj cuchun. Chai cushcacunaca Mandaj Diospajca mishquijlla ashnacujmi canga.

2 Corintios 2:15

Quishpichishcacunapurapipish, chingarinaman ricujcunapurapipish Cristomantami Diospajca mishquiman ashnajlla canchij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

DEUTERONOMIO 12:27

Mandaj Diosman cushpa tucui rupachina aichatatajca, yahuartatajca Mandaj Dios cancunapaj Taita Diospaj altar jahuapi paiman cunguichij. Yahuartaca Mandaj Dios cancunapaj Taita Diospaj altar jahuapi tsirapashca cachun. Aichataca cancuna micunguichij.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.