LEVÍTICO 1:5 - Dios Rimashca Shimicunami

⁵ Chai huagrataca Mandaj Diospaj ñaupajpi cungata p'itichun. Yahuartaca Aaronpaj churi curacuna, Mandaj Dioshuan tupana carpa huasi pungupi caj altar ladocunapi Diosman cushpa tsirapachun.

LEVÍTICO 1:5 Iomraidhean Croise

2 CRÓNICAS 35:11

Chashna allichirishpami, Pascua punllapi huañuchina animalcunata cushpa huañuchircacuna. Levitacuna chai animalcunapaj yahuarta cujpimi, curacunaca chai yahuarta altar jahuapi tsiraparcacuna.

ÉXODO 29:11

Chai huagrataca, Dioshuan tupanacuna carpa huasi pungupi Mandaj Diospaj ñaupajpi huañuchingui.

ÉXODO 29:16

Chai carnerota huañuchishpa, yahuartaca altar jahuapipish, altar muyundijpipish tsirapangui.

ÉXODO 40:6

Diosman cushpa tucui rupachina altartaca, Dioshuan tupangapaj carpa huasiman yaicuna pungu ñaupajpi churangui.

ISAÍAS 52:15

Chai shinallatajmi achca llajtacunapish mancharingacuna. Jatun mandajcunapish paipaj ñaupajpica tucuicunami imata mana ni tucunga. Paicunaman pi mana parlashcatami uyangacuna. Maipi manataj uyashcatami yachaj chayangacuna.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

EZEQUIEL 43:18

Chaimantaca ñucataca cashnami nirca: “Huañujlla aichayuj runalla, Mandaj Jatun Dios ñucatajmi cashna nini: Altarta ruranata tucuchishpaca, cai mandashcacunata ruranguichij: Chai altarca ñucaman cushpa tucuita rupachingapajmi, yahuartapish chai jahuata tsirapangapajmi.

LEVÍTICO 1:11

Chai animaltaca altar janaj ladoman Mandaj Diospaj ñaupajpi cungata p'itichun. Yahuartaca Aaronpaj churi curacuna altar muyundijta tsirapachun.

LEVÍTICO 1:15

Chaitaca cura japishpa Diosman cushpa altar jahuapi cungata p'itishpa, yahuartaca altar shuj ladopi tucui shutuchichun. Aichataca altar jahuapi rupachichun.

LEVÍTICO 16:15

Chai q'uipaca, chivota israelcunapaj juchamanta cushpa huañuchichun. Chai yahuartaca jarcachishca linso huashaman apachun. Yahuarhuanca huagrapaj yahuarhuan ima shina rurashca shinallataj propiciatorio jahuatapish, propiciatorio ñaupaj ladotapish tsirapachun.

LEVÍTICO 17:11

Aichapaj causaica yahuarpimi. Yahuartaca cancunapaj almamanta altarpi churanapajmi curcani. Yahuarmi cancunapaj almataca quishpichin.

LEVÍTICO 3:13

chai chivopaj uma jahuapi paipaj maquita churashpa, Mandaj Dioshuan tupana carpa huasi ñaupajpi huañuchichun. Yahuartaca, Aaronpaj churi curacuna altar muyundijta tsirapachun.

LEVÍTICO 3:2

Chai cucujca Mandaj Diosman cushca animalpaj uma jahuapi paipaj maquita churashpa, Mandaj Dioshuan tupana carpa huasi pungupi huañuchichun. Yahuartaca, Aronpaj churi curacuna altar muyundijta tsirapachun.

LEVÍTICO 3:8

cucujca chai ovejapaj uma jahuapi paipaj maquita churachun. Chai q'uipaca Mandaj Dioshuan tupana carpa huasi ñaupajpi chai ovejataca huañuchichun. Yahuartaca Aaronpaj churicuna altar muyundijta tsirapachun.

LEVÍTICO 4:29

Juchamanta cushca animalpaj uma jahuapi paipaj maquita churachun. Chai q'uipaca, Diosman tucuita cushpa tucui rupachinallapitaj huañuchichun.

LEVÍTICO 4:33

Juchamanta cucujca chai ovejapaj uma jahuapi paipaj maquita churashpa, Diosman tucuita cushpa tucui rupachinallapitaj, juchamanta cushca animaltaca huañuchichun.

LEVÍTICO 4:7

Chai asha yahuartaca mishquijllata ashnacuj inciensota rupachina altar Mandaj Dioshuan tupana carpa huasi ucupi, Mandaj Diospaj ñaupajpi tiyacuj altar gachucuna puntapi cura churachun. Chai malta huagrapaj puchushca yahuartaca, Mandaj Dioshuan tupana carpa huasi pungupi Diosman tucuita cushpa tucui rupachina altar chaquipi tallichun.

MIQUEAS 6:6

Mandaj Diospaj ñaupajpica ¿imahuantaj ricurigrishari? Jahua pachapi causaj Taita Diostaca ¿imahuantaj adorashari? Paihuan alli tucungapajca, ¿shuj huatayuj bizicunatachu paipaj ñaupajman apashpa, paiman cushpa tucui rupachisha imatagari?

NÚMEROS 18:17

Punta huacharishca animalcuna, huagracuna, ovejacuna, chivocuna cajpica ama cullquita japingui. Chaicunaca ñucapajlla ch'icanchishca cashcamanta paicunapaj yahuartaca altar jahuapi tsirapangui. Huirataca Diosman cushpa rupachingui. Rupachishpa cujpimi, Mandaj Diospajca mishquijlla ashnacuj canga.

Hebreos 10:11

Curacunaca tucuicunallatajmi punllanta Diospajta rurashpaca, chai shinallataj sacrificiocunata cutin cutin cuncuna. Chai cushcacunaca juchacunataca manataj anchuchi tucunchu.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.

1 SAMUEL 1:25

Huagrata huañuchishpa Mandaj Diosman cushpaca, huahuatapish Elí curapajmanmi pusharcacuna.