LEVÍTICO 1:4 - Dios Rimashca Shimicunami

⁴ Chai cucujca Mandaj Diosman cushpa tucui rupachina animalpaj uma jahuapi paipaj maquita churachun. Chaimi, juchamanta cushca cashcamanta chasquinga.

LEVÍTICO 1:4 Iomraidhean Croise

ÉXODO 28:38

Chaica Aaronpaj frentepitaj cachun. Israelcuna Diosman cungapaj tandachishpa cushcacunamantaca Aaronmi tucuicunapaj juchacunata anchuchinga.

ÉXODO 29:10

Chai q'uipaca, Dioshuan tupanacuna carpa huasiman malta huagrata apangui. Chaipi Aaronpish, paipaj churicunapish paicunapaj maquicunata chai huagrapaj uma jahuapi churachuncuna.

ÉXODO 29:15

Chai carnerocunamanta shuj carnerota japingui. Aaronpish, paipaj churicunatapish chai carneropaj uma jahuapi paicunapaj maquicunata churachun.

ÉXODO 29:19

Caishuj carnerotapish japingui. Aaronpish, paipaj churicunatapish carneropaj uma jahuapi paicunapaj maquicunata churachun.

ÉXODO 29:33

Chai aichataca Mandaj Diospaj cura canata chasquichun paicunapaj juchamanta cushpa paicunata Mandaj Diospajlla cachun ch'icanyachinapaj cushca aicha cashcamanta shujtajcunaca pi ama micuchun curacunalla micuchun.

ISAÍAS 56:7

ñucaca ñucapajlla urcumanmi pushasha. Ñucata mañana huasipimi samachisha. Paicunapaj cushpa tucui rupachishcacunatapish, paicunapaj animalcunata cushcacunatapish, ñuca altar jahuapi rupachichun chasquishcami canga. Ñuca huasica tucui llajtacunamanta tandanacushpa Diosta mañana huasimi canga” ninmi.

EZEQUIEL 45:15

Shinallataj juchamanta cungapaj, alli cangapaj Diosman cushpa tucui rupachingapaj, Diosman cushpa huañuchingapajca israelcunapaj huirayashca malta huarmi ovejatami cuna canguichij. Mandaj Dios ñucatajmi chashna nini.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

LEVÍTICO 16:21

Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 16:24

Chai q'uipaca Diospajlla ch'icanchishca ucullapitaj paipaj cuerpota armashpa, paipaj churanata churarishpa pai quiquinmantapish, tucui israelcunamantapish tucuita cushpa tucui rupachinata cunaman llujshichun. Pai quiquinmantapish, tucui israelcunapaj juchacunamantapish cuna cashcata cuchun.

LEVÍTICO 22:21

Chashnallataj sumaj causaimanta cushami nishcata pajtachingapaj, mana cashpaca cushca cashpapish cuna cashcata cujpi chasquishca cachunca vacacunamanta cashpa, ovejacunamanta cashpapish ima mana tucushca animalta apamuchun.

LEVÍTICO 22:27

“Bizita cashpa, bachujta cashpa, chivota cashpa ñucaman cusha nishpaca huacharishcamanta canchis punllacama paipaj mamata chuchuchun saquingui. Ña pusaj punllayuj cajpi cujpimi, Mandaj Diosman cushpa rupachishca cajpi chasquishca tucunga.

LEVÍTICO 3:13

chai chivopaj uma jahuapi paipaj maquita churashpa, Mandaj Dioshuan tupana carpa huasi ñaupajpi huañuchichun. Yahuartaca, Aaronpaj churi curacuna altar muyundijta tsirapachun.

LEVÍTICO 3:2

Chai cucujca Mandaj Diosman cushca animalpaj uma jahuapi paipaj maquita churashpa, Mandaj Dioshuan tupana carpa huasi pungupi huañuchichun. Yahuartaca, Aronpaj churi curacuna altar muyundijta tsirapachun.

LEVÍTICO 3:8

cucujca chai ovejapaj uma jahuapi paipaj maquita churachun. Chai q'uipaca Mandaj Dioshuan tupana carpa huasi ñaupajpi chai ovejataca huañuchichun. Yahuartaca Aaronpaj churicuna altar muyundijta tsirapachun.

LEVÍTICO 4:15

israelcunata cunaj yuyajcuna Mandaj Diospaj ñaupajpi chai malta huagrapaj uma jahuapi paicunapaj maquicunata churashpa, chai malta huagrataca Mandaj Diospaj ñaupajllapitaj huañuchichun.

LEVÍTICO 4:20

Chai malta huagrataca curapaj juchamanta cushca huagrata cushpa rupachij shinallataj rupachichun. Paicunapaj juchamantaca cura chashna cushpa rupachichun. Chashna rurashpami, Mandaj Dios perdonashca cangacuna.

LEVÍTICO 4:24

Chai chivopaj uma jahuapi paipaj maquita churachun. Chai q'uipaca chai chivotaca Diosman tucuita cushpa tucui rupachingapaj huañuchinallapitaj Mandaj Diospaj ñaupajpi huañuchichun. Chaica juchamanta cuna cashcata cushcami canga.

LEVÍTICO 4:26

Chai q'uipaca, Mandaj Dioshuan alli cangapaj Mandaj Diosman cushca animalpaj huirata shinallataj, chai huiratapish tucuita altar jahuapi rupachichun. Chai mandajpaj juchamantaca cura chashna Mandaj Diosman cuchun. Chaimi paica Mandaj Dios perdonashca canga.

LEVÍTICO 4:29

Juchamanta cushca animalpaj uma jahuapi paipaj maquita churachun. Chai q'uipaca, Diosman tucuita cushpa tucui rupachinallapitaj huañuchichun.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 4:33

Juchamanta cucujca chai ovejapaj uma jahuapi paipaj maquita churashpa, Diosman tucuita cushpa tucui rupachinallapitaj, juchamanta cushca animaltaca huañuchichun.

LEVÍTICO 4:35

Chai q'uipaca Mandaj Dioshuan alli cangapaj Mandaj Diosman cushca animalpaj huirata llujshichishca shinallataj, chai animalpaj huiratapish tucuita llujshichichun. Chaitaca Mandaj Diosman cushpa rupachicushca jahuapi churashpa cura rupachichun. Juchallijmantaca cura Mandaj Diosman cushpa chashna rupachichun. Chaimi Mandaj Diosca paitaca perdonanga.

LEVÍTICO 4:4

Chai malta huagrataca, Mandaj Dioshuan tupana carpa huasi punguman Mandaj Diospaj ñaupajman apamushpa, chai malta huagrapaj uma jahuapi paipaj maquita churashpa, Mandaj Diospaj ñaupajpi huañuchichun.

LEVÍTICO 5:6

Chai juchallishcamanta cuna cashcata Diosman cungapajca, paipaj canlla animalcunamanta shuj huarmi ovejata cashpa, shuj malta chivata cashpa apamuchun. Chai juchamantaca cura Mandaj Diosman cuchun.

LEVÍTICO 6:7

Chai runapaj juchamantaca Mandaj Diosman cura cuchun. Chashna rurajpimi tucui imallapi juchallishpa amañaricushca juchacunataca perdonanga.

LEVÍTICO 8:14

Chai q'uipaca juchamanta cuna malta huagratami apamuchirca. Aaronpish, paipaj churicunapish juchamanta cuna chai malta huagrapaj uma jahuapi paicunapaj maquicunata churajpimi,

LEVÍTICO 8:18

Chai q'uipaca, tucuita cushpa tucui rupachina carnerotami apamuchirca. Aaronpish, paipaj churicunapish chai carneropaj uma jahuapimi paicunapaj maquicunata churarcacuna.

LEVÍTICO 8:22

Chai q'uipaca Mandaj Diospajlla ch'icanchishcamanta cuna cashca carnerotami apamuchirca. Aaronpish, paipaj churicunapish chai carneropaj uma jahuapi paicunapaj maquicunata churajpimi,

LEVÍTICO 9:7

Chai q'uipami Moisesca, Aarontaca: “Altarman c'uchuyashpa cambaj juchamanta Diosman cuna cashcata tucuita cushpa tucui rupachina cashcatapish cushpa Dioshuan alli tucui. Tucuicunamanta cuna cashcatapish tucuicunapajta Mandaj Diosman cushpa paicunatapish Mandaj Dios mandashca shinallataj paihuan alli tucuchi”,

NÚMEROS 15:25

Paicuna chaita cujpimi, curaca tucui israelcunapaj juchamanta Diosman cunga. Chaipimi mana alli yuyarishcamanta mana tucui pajtachishcataca perdonashca canga. Mana alli yuyarishcamanta mana tucuita pajtachishca cashpaca, tucuicunami Diosman cuna cashcatapish, Mandaj Diosman cushpa rupachina cashcatapish, juchamanta cushpa rupachinatapish Mandaj Diospaj ñaupajpi cungacuna.

NÚMEROS 15:28

Mana alli yuyarishpa mana tucuita pajtachishpa Mandaj Diospaj ñaupajpi juchallishcamanta cushcataca, curami chai runamanta Mandaj Diosman cushpa Dioshuan alli tucunacuchinga. Chashna rurajpimi, perdonashca canga.

NÚMEROS 25:13

Paipish, paipaj huahua huahuacunapish, chaipaj q'uipa huahua huahuacunapish curacuna tucushpa caticuchunllami churagrini. Taita Diospajlla canamantatajca huañucuj cashcamanta israelcunapaj juchata anchuchingapaj chai runata huañuchishcamantami chashna ruragrini ni– nircami.

NÚMEROS 8:10

Mandaj Diospaj ñaupajman levitacuna ña c'uchuyajpica, israelcuna paicunapaj maquicunata levitacunapaj jahuapi churachun.

NÚMEROS 8:12

Levitacunaca huagracunapaj uma jahuapi paicunapaj maquicunata churachun. Shuj huagrataca juchamanta Diosman cungui. Caishujtaca levitacunata mapa illajllata rurangapaj Mandaj Diosman cushpa tucui rupachingui.

Romanos 12:1

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

Romanos 3:25

Jesustami paipaj yahuarpi crijpi juchacunata anchuchij cachun churarca. Diosca mana p'iñarij cashpami, ñaupa juchacunata perdonashpa, mana juchallishcata shina ruraj cashcata ricuchingapaj chashna rurarca.

Romanos 5:11

Mana chaillachu, Dioshuan alli tucunataca ñucanchij Mandaj Jesucristomanta chasquishcamantami Taita Diospica cushicunchij.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Hebreos 10:4

Malta torocunapaj, c'ari chivocunapaj yahuarca juchacunata mana anchuchi tucunchu.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.