LEVÍTICO 1:3 - Dios Rimashca Shimicunami

³ Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 1:3 Iomraidhean Croise

GÉNESIS 22:13

Shina nijpi Abraham ricunapajca, paipaj huashanijpi shuj carnero zarza casha yurapi gachucuna churarishpa shayacujtami ricurca. Abrahamca chai carnerota japishpami, paipaj churipaj randi Taita Diosman cushpa tucui rupachirca.

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

GÉNESIS 22:8

Chaimi Abrahamca: –Ñuca huahualla, Taita Diosca paiman cushpa tucuita rupachina ovejataca cungallami– nishpaca, ishquindijtaj rircallacunami.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

2 CRÓNICAS 29:32

Diosman cushpa tucui rupachingapajca, paicuna apamushca huagracunaca canchis chungami carca. Patsaj carnerocuna, 200 malta c'ari ovejacunami carca. Chai tucui animalcunatami Mandaj Diosman cushpa tucui rupachircacuna.

2 CRÓNICAS 35:12

Chai q'uipami, tucui rupachina animalcunamanta aichata japishpaca, Moisés quillcashca mandashcapi nicushca shina israelcunapaj cada familiaman mirga mirgata curcacuna. Huagracunata huañuchishpapish chashnallatajmi rurarcacuna.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

ÉXODO 12:5

Chai animalca ima mana tucushca shuj huatata charij c'ari animal cachun. Ovejata cashpa, chivota cashpa cancunapaj canllamanta shujta japinguichij.

ÉXODO 24:5

Chai q'uipaca Moisesca, israelcunapuramanta maijan q'uipa huiñaicunata cachajpimi paicunaca Mandaj Diosman cushpa tucui rupachirca. Mandaj Dioshuan alli cangapajpish huagracunata cushpami rupachirca.

ÉXODO 29:18

Mandaj Diosman cushcaca pai munashca shina mishquiman ashnacuj cachun, chai carneropaj aichataca tucuita altar jahuapi rupachingui.

ÉXODO 29:4

Aarontapish, paipaj churicunatapish Dioshuan tupanacuna carpa huasi punguman pushashpa armachishpa,

ÉXODO 29:42

Tucui caicunapi nishca shinataca cancunapaj huahua huahuacuna Mandaj Diosman tucui cushpa rupachicuchunllacuna. Chaitaca Dioshuan tupanacuna carpa huasi pungupi Mandaj Diospaj ñaupajpi cuchuncuna. Ñucaca chaipimi cancunahuan parlanacungapaj cancunahuan tandanacusha.

ÉXODO 32:6

Cayandij tutamanta utca jatarishpami tucuita cushpa rupachinatapish, alli cangapaj cuna cashcatapish curcacuna. Tucuicunami micungapaj ubyangapaj tiyarircacuna. Chai q'uipaca cushicungapajmi jatarircacuna.

ÉXODO 35:21

Chai huillashca paicunapaj shungupi yuyachijpimi, tucuicuna paicunapaj espiritupi cuna munaita charishca shina, Mandaj Dioshuan tupanacuna carpa huasita rurangapajpish, chaipi imallata rurangapajpish, chaipi Diospajta rurajcuna churarinacunata rurangapajpish cungapaj apamurcacuna.

ÉXODO 35:29

Israelcunaca Mandaj Dios paipaj imallata ruranapaj Moisesman huillachishca shinallatajmi, Mandaj Diospajta ruranapaj cuna munaita charijcunaca c'aricuna cashpa, huarmicuna cashpa shungumantataj Diosman cungapaj apamurcacuna.

ÉXODO 35:5

Cancunapurapi Mandaj Diosman cuna cashcata tandachichij. Mandaj Diosman shungumanta cuna munaihuan cajcunaca: Curita, cullquita, bronceta,

ÉXODO 36:3

Paicunaca Mandaj Diospajta rurangapaj Mandaj Diospaj huasita tucui ima shujtajcunata chaipi ruranapajpish israelcuna Mandaj Diosman cungapaj apamushcacunatami Moisespaj maquimanta japircacuna. Israelcunaca paicuna cuna munaita charishcamantaca cada tutamantami Mandaj Diosman cungapajca apamucurcallacuna.

ÉXODO 38:1

Cushpa tucuita rupachina altartapish, acacia caspillatatajmi rurarca. Chai altarca sunimanca ishqui metro ishqui chunga pichca centímetro, anchomanpish ishqui metro ishqui chunga pichca centimetrollatajmi carca. Chuscundij ladomi chai medidallataj carca. Altomanca shuj metro chunga pichca centimetromi carca.

ISAÍAS 1:11

Mandaj Diosca cashnami nin: “Cancuna ñucaman cushpa rupachishca achcacunaca ñucapajca ¿imapajtaj valishcari? Carnerocunata cushpa tucui rupachishcacunatapish, huirayashca animalcunapaj huirata cushpa rupachishcatapish ñamari amini. Huagracunapaj yahuartapish ña mana ninichu. Ovejacunapaj yahuartapish ña mana ninichu. Chivocunapaj yahuartapish ña mana ninichu.

EZEQUIEL 20:40

Mandaj Jatun Diostajmi cashna nini: Israel llajtapi tiyaj ñucapajlla jatun urcupimi tucui israelcuna ñucataca servingacuna. Paicunataca chaipimi ñucapajlla cachun chasquisha. Chaipimi ñucaman imalla cuna cashcata cuchunpish, punta p'ucushca granocunata cuchunpish, ñucapajlla ch'icanchishcata cuchunpish mañasha.

EZEQUIEL 40:39

Chai ucuman yaicuna pungullapimi, cada ladoman ishqui mezacuna tiyarca. Chai mezacuna jahuapimi, Diosman cushpa tucuita rupachina animaltapish, juchamanta cushca animaltapish, Diosman cushca animaltapish, juchata rurashcamanta huañuchina carca.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 14:10

Ña pusaj punlla tucujpica ima mana tucushca ishqui malta ovejata, shuj huatayuj ima mana tucushca huarmi ovejatapish apamuchun. Shinallataj Diosman cuna cashcataca sujta kilo chaupi ashtahuan alli cutata aceitehuan chapushcata, shuj log nishca aceitetapish apamuchun.

LEVÍTICO 16:7

Chai q'uipaca ishqui chivota japishpa, Mandaj Dioshuan tupana carpa huasi punguman Mandaj Diospaj ñaupajman apamuchun.

LEVÍTICO 17:4

Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 17:8

Israelcunamanca cashnapish ningui: Maijan israelcuna cashpa mana cashpaca cancunapurapi causaj mana israelcuna cashpa, Mandaj Diosman tucuita cushpa tucui rupachinata cucushpa mana cashpaca Mandaj Diosman cushpa rupachinata cucushpa,

LEVÍTICO 17:9

Mandaj Dioshuan tupana carpa huasi punguman apamushpa chaipi Mandaj Diosman cuna cashcata mana chaipi cujpica chai runataca, maijan cachunpish israelcunapuramanta anchuchishcami canga.

LEVÍTICO 23:12

Chai gavillata Diosman cui punllaca shuj huatata charij ovejata cushpa rupachichun. Chaica Mandaj Diosman tucuita cushpa tucui rupachina cashcamanta ima mana tucushca cachun.

LEVÍTICO 23:18

Chai tandacunahuanca shuj huatayuj, ima mana tucushca canchis c'ari ovejacunata, shuj bizita, ishqui carnerotapish cunguichij. Chaicunaca Mandaj Diosman tucuita cushpa tucui rupachishca cachun. Chaicunataca chaquishca granohuanpish, tallina vinohuanpish cuchun. Chashna cushpa rupachijpimi Mandaj Diospajca mishquijllata ashnacuj canga.

LEVÍTICO 3:1

Alli causaimanta Mandaj Diosman animalta rupachishpa cucushpaca c'ari huagrata cashpa, huarmi huagrata cashpa, ima mana tucushcata cuchun.

LEVÍTICO 4:15

israelcunata cunaj yuyajcuna Mandaj Diospaj ñaupajpi chai malta huagrapaj uma jahuapi paicunapaj maquicunata churashpa, chai malta huagrataca Mandaj Diospaj ñaupajllapitaj huañuchichun.

LEVÍTICO 4:23

Mana yuyarishcamanta chashna mana cazushpa juchallishcata q'uipata yachaj chayashpaca, chai juchamanta Diosman cungapajca ima mana tucushca shuj c'ari chivota apamuchun.

LEVÍTICO 4:3

Curacunata punta pushaj cachun aceitehuan churashca cura juchallijpica, tucui israelcuna juchallishca shinallatajmi canga. Chai juchallishcamanta cuna cashcataca ima mana tucushca malta huagrata Mandaj Diosman cuchun.

LEVÍTICO 4:32

Chai juchamanta cungapaj shuj malta ovejata apamushpaca ima mana tucushca huarmi ovejata apamuchun.

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

LEVÍTICO 5:18

Chai juchamanta Diosman cuna cashcata cungapajca, oveja canllamanta ima mana tucushca shuj carnerota curapajman apamuchun. Chai carnerota cujca, juchamanta cunapaj pajta cashcata, mana pajta cashcata ricushpa cuchun. Chai carnerotaca, Mandaj Diosman cushpa cura rupachichun. Chashna cujpimi mana yuyashcapi juchallishcataca Mandaj Diosca perdonanga.

LEVÍTICO 6:2

Maijanpish shujtajta umashpa Mandaj Diosta p'iñachingachari. Maijanpish paipaj maquipi mingashcata paipaj maquipi saquishcata shujtajpajta mana tigrachingachari, mana cashpaca shujtajpajta imata shuhuangachari, imata quichungachari,

LEVÍTICO 6:8

Mandaj Diosca Moisestaca cashna nishpami mandarca:

LEVÍTICO 7:16

Mandaj Diosman cuna tucushcamanta cushca animalpaj aicha cajpi, mana cashpaca cuna munaita charishcamanta cushca animalpaj aicha cajpica, Mandaj Diosman cui punllatajpish micuchun. Puchujpipish cayandij punllapish micuchunlla.

LEVÍTICO 8:18

Chai q'uipaca, tucuita cushpa tucui rupachina carnerotami apamuchirca. Aaronpish, paipaj churicunapish chai carneropaj uma jahuapimi paicunapaj maquicunata churarcacuna.

LEVÍTICO 8:21

Chunllullicunatapish, changa aichacunatapish tucui maillashca q'uipami, Moisesca chai carnerotaca tucuita altar jahuapi rupachirca. Mandaj Dios ima shinalla Moisesta mandashca shina Mandaj Diosman tucuita cushpa rupachishcaca, paipaj mishquijllata ashnacuj cachunmi chashna rurarca.

LEVÍTICO 9:2

Aarontaca cashna nirca: “Juchamanta cungapajca vacacunamanta shuj malta huagrata, Mandaj Diosman tucuita cushpa tucui rupachingapajca shuj carnerota ishquindijtaj ima mana tucushcata apamushpa Mandaj Diospaj ñaupajpi cunguichij.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

MALAQUÍAS 1:14

Maijanpish c'ari animalcunata canllata charishca jahua cusha nishpapish, mana alli animaltaraj ñucaman cushpa huañuchishpa umashcamantaca, paipaj jahuallatajmi canga. Ñucaca, jatun mandajcunatapish yalli Jatun Mandajmi cani. Ñucaca, tucui llajtacunapi causajcuna manchanami cani” ninmi tucuita Mandaj Diosca.

NÚMEROS 15:3

Mandaj Diosman cushpa rupachina ofrendata cunguichij. Chaicunataca vacacunata cashpa, ovejacunata cashpa Diosman cushpa tucui rupachina cajpi, Diosman cushpa huañuchina cajpipish, cushami nishcata pajtachishpa cucushpapish, mana cashpaca cuna munaita charishcamanta cucushpapish, mana cashpaca cancunapaj jatun fiestapi Mandaj Diosman cuna cashcata cucushpapish, Mandaj Diospaj mishquiman ashnacuj cachun cunguichij.

NÚMEROS 15:8

Shuj huagrata cushpaca, Diosman cushpa tucui rupachinapaj cashpa, mana cashpaca Diosman cushpa rupachinapaj cashpa, cuna tucushcata pajtachingapaj cashpa, sumaj causaimanta Mandaj Diosman cunapaj cashpapish,

NÚMEROS 19:2

“Mandaj Dios ñucatajmi cashna nishpa mandani: Israelcunataca ima mana illaj, ima mana tucushca, shuj cutinllapish yugota manaraj churashca puca vacata apamuchun mandai.

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

NÚMEROS 23:27

Chaimi, Balacca Balaamtaca: –Cunanca shujtajmanmi pushagrini. Chaiman ñucahuan richunmi rogani. Chaimanta israelcunata imapish tucushca canman nichun Taita Dios saquingapishchari– nirca.

NÚMEROS 23:3

Balaamca, Balactaca cashnami nirca: –Canca can cushpa tucui rupachicushca c'uchullapitaj shuyacui. Ñucaca Mandaj Dios ñucahuan tupangapaj shamungapishchari. Paihuan tupanamanmi rini. Pai ñucaman imata huillashcata canman yachaj chayachishami– nishpaca, shitashca lluchulla urcumanmi rirca.

NÚMEROS 23:30

Shina nijpimi Balacca, Balaam nishca shina rurashpa cada altarpi shuj bizita, shuj carnerota cushpa rupachirca.

NÚMEROS 28:11

Quilla callari punta punllapica ishqui bizita, shuj carnerota, shuj huatayuj canchis c'ari ovejata Mandaj Diosman cushpa tucui rupachichun. Chai animalcunaca ima mana tucushca cachun.

NÚMEROS 28:19

Chai punllacunapi Mandaj Diosman cushpa rupachinataca ishqui bizita, shuj carnerota, shuj huatayuj canchis c'ari ovejacunata cushpa tucui rupachinguichij. Chai animalcunaca ima mana tucushca cachun.

NÚMEROS 28:31

Cushpa tucui rupachinata, tallina vinotapish punllanta cuna cashcataca chai punllacunapipish ama saquinguichijchu. Chai animalcunaca ima mana tucushca cachun.

NÚMEROS 29:13

Fiesta callari punllapica, Mandaj Diospaj mishquijlla ashnacuj cachun cushpa rupachinataca chunga quimsa bizita, ishqui carnerota, shuj huatayuj chunga chuscu c'ari ovejata cushpa tucui rupachinguichij. Chai animalcunaca ima mana tucushca cachun.

NÚMEROS 29:2

Mandaj Diospaj mishquijlla ashnacuj cachun cunataca shuj bizita, shuj carnerota, shuj huatayuj canchis c'ari ovejacunata cushpa tucui rupachinguichij. Chai animalcunaca ima mana tucushca cachun.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Juan 1:36

Chaipi cashpami Jesús chaita puricujta ricushpa Juanca: –¡Riquichij, chaimari Taita Diospaj malta Ovejaca!– nirca.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

2 Corintios 8:12

Maijanpish tucui shunguhuan ima charishcata cujpica, Diosca chasquinllami. Diosca imata mana charishcataca mana mañanchu.

2 Corintios 9:7

Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

DEUTERONOMIO 12:27

Mandaj Diosman cushpa tucui rupachina aichatatajca, yahuartatajca Mandaj Dios cancunapaj Taita Diospaj altar jahuapi paiman cunguichij. Yahuartaca Mandaj Dios cancunapaj Taita Diospaj altar jahuapi tsirapashca cachun. Aichataca cancuna micunguichij.

DEUTERONOMIO 15:21

Chai animalcuna ñahui mana ricuj cajpi, mana cashpaca cojo cajpi, mana cashpaca imapish mana alli cajpica ama Mandaj Dios cambaj Taita Diosman cushpa huañuchinguichu.

DEUTERONOMIO 17:1

Mandaj Dios cancunapaj Taita Diosmanca huagrata cashpa, c'ari ovejata cashpapish, ima tucushca cajpi, ima mana alli cajpica ama cunguichijchu. Chaicunaca Mandaj Dios cancunapaj Taita Diospajca millananami.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.