JUECES 9:6 - Dios Rimashca Shimicunami

⁶ Siquempi causajcunaca Milopi causajcunandij tandanacushpami, Siquem pueblo c'uchullapitaj shuj jatun pilar tiyan pambapi tandanacurcacuna. Abimelectaca, paicunata jatun mandaj cachunmi churarcacuna.

JUECES 9:6 Iomraidhean Croise

2 SAMUEL 5:9

Davidca chai sinchi pircayuj pueblopimi causarca. Chaitaca: “Davidpaj pueblo” nishpami shutichirca. Chai pueblo muyundijtaca allpata jundachishcamanta callarishpa, pai mandashpa tiyana huasicamami muyundijta jatun pircata rurachirca.

1 REYES 12:1

Roboamca, jatun mandaj cachun paita churangapaj tucui israelcuna Siquempi tandanacujpimi, chaiman rirca.

1 REYES 12:20

Egiptomanta Jeroboam tigramushcata tucui israelcuna uyashpaca, paicuna tandandacushca ñaupajman cayachishpami tucui israelcunata mandaj cachun churarca. Davidpaj huahua huahuataca caishuj Israel aillucunaca, shujllapish mana catircacunachu. Judá aillullami paicunapaj huahua huahuapurapica saquirirca.

1 REYES 12:25

Jeroboamca, Efraín urcupi caj Siquem pueblota allichishpami chaipi causarca. Chaimanta llujshishpaca, Penuel pueblotami allichirca.

2 REYES 12:20

Joastaca paipajta rurajcunallatajmi, shujtajcunahuan huashalla yuyarinacushpa, pugru pugrupi allpata jundachishpa rurashca huasipi huañuchircacuna. Sila puebloman uriyacujpimi,

JOSUÉ 24:26

Josueca chai shimicunataca mandashcacunata Dios quillcachishca libropimi quillcarca. Chai q'uipaca jatun rumita japishpami, Diospajlla carpa huasi c'uchupi caj encina yura ucupi churarca.

JUECES 9:5

Abimelecca, Ofra pueblopi caj paipaj yayapaj huasiman shamushpami, canchis chunga paipaj huauquicunata shuj rumi jahuapi tucuicunata huañuchirca. Chaipica Jerobaalpaj churicunaca q'uipa churi Jotamllami miticushpa quishpirirca.

JUECES 9:7

Jotamman chaita huillajpica, paica Gerizim urcu jahuaman huichiyashpami, sinchita caparishpa cashna nirca: “¡Siquem pueblo runacuna, ñuca nishcata uyaichij! ¡Ñuca nishcata uyajpica, Diospish cancunata uyangami!