JUECES 9:5 - Dios Rimashca Shimicunami

⁵ Abimelecca, Ofra pueblopi caj paipaj yayapaj huasiman shamushpami, canchis chunga paipaj huauquicunata shuj rumi jahuapi tucuicunata huañuchirca. Chaipica Jerobaalpaj churicunaca q'uipa churi Jotamllami miticushpa quishpirirca.

JUECES 9:5 Iomraidhean Croise

1 REYES 1:12

Riqui, cambaj causaitapish, cambaj churi Salomonpaj causaitapish cuidangapajca ñuca cunashcata uyashpa,

1 REYES 1:21

Can jatun mandaj ñuca amito can mana chashna churashpa cambaj ñaupa yayacunahuan dormijpica ñucatapish, ñuca churi Salomontapish huañuchingacunamari– nircami.

2 REYES 10:17

Jehuca Samariaman chayashpaca, Mandaj Dios Eliasta huillachishca shinallatajmi, Acabpaj puchushcaraj familiacunataca tucuicunata huañuchirca.

2 REYES 10:7

Jehú cachashca quillcacuna paicunapajman chayajpica, jatun mandajpaj canchis chunga churicunata japishpa cungata p'itishpami, paicunapaj umacunataca canastacunapi churashpa Jezreelman cacharcacuna.

2 REYES 11:3

Chai huahuaca paita huiñachij huarmindijmi Mandaj Diospaj huasipi sujta huatata pacashca carca. Chai punllacunapica Atalía huarmimi chai llajtataca mandacurca.

2 CRÓNICAS 21:4

Joramca, paipaj yayapaj randi mandanapi tiyarishpa, ña tucuita mandai callarishpaca, paipaj tucui huauquicunatami espadahuan huañuchirca. Israelcunata mandajcunapuramanta maijancunatapishmi huañuchirca.

Mateo 2:16

Herodesca yachaj runacuna paita chanzata rurashcata yachashpaca yallitaj p'iñarishpami Belenpipish, chai muyundij llajtacunapipish, manaraj ishqui huatata charij tucui c'ari huahuacunata huañuchichun mandarca. Yachaj runacunata tapushca punllamanta yupashpami chashna rurarca.

Mateo 2:20

“Jatari, huahuata paipaj mamandij pushashpa Israelman tigrai. Huahuata huañuchishun nicujcunaca ñamari huañun” nirca.

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.

JUECES 8:30

Gedeonca achca huarmicunayuj cashpami, canchis chunga churicunata charirca. Gedeonpaj huahua huahuacunaca achcacunami carca.

JUECES 9:18

Cunanca cancunaca ñuca yayapaj huasi familiata p'iñashpa jatarishpami, paipaj canchis chunga churicunataca shuj rumi jahuallapi tucuicunata huañuchishcanguichij. Ashtahuanpish ñuca yaya paipajta ruraj huarmihuan charishca churi Abimelectaca Siquempi causaj cancunapura cashcallamantamari, jatun mandaj cachun churashcanguichij.

JUECES 9:2

–Ñucaca cancunataca Siquem pueblopi tucui causajcunataca: ¿Cancunapaj yuyaipica, Jerobaalpaj tucui canchis chunga churicunataj mandanachu alli, mana cashpaca shujlla mandaj tiyanachu alli? nishpa tapuchunmi rogani. Ñucaca cancunapaj quiquin tullu, quiquin aicha cashcata yuyarichigari– nircami.

JUECES 9:6

Siquempi causajcunaca Milopi causajcunandij tandanacushpami, Siquem pueblo c'uchullapitaj shuj jatun pilar tiyan pambapi tandanacurcacuna. Abimelectaca, paicunata jatun mandaj cachunmi churarcacuna.