JUECES 9:4 - Dios Rimashca Shimicunami

⁴ Chaita yuyarinacushpami, Siquem pueblopi causajcunaca, Baal-berit diospaj huasipi tiyacuj canchis chunga siclo cullquita surcushpa Abimelecmanca curcacuna. Chai cullquihuanca paica imata ruranata mana munaj, puricujlla huañuchij runacunatami pushashpa rirca.

JUECES 9:4 Iomraidhean Croise

2 SAMUEL 6:20

David, paipaj huasi ucupuracunata alli cashca cachun ninaman tigracujpica, Mical huarmi tupanaman llujshishpaca: –¡Israelcunata jatun mandajca, cunanca yallitaj alli nishcamari tucushca. Paipajta rurajcunapajta ruraj huarmicunapaj ñaupajpi maijan mana pingajcuna shina lluchulla tucushpa tushushpaca ima allitataj rurashcari!– nircami.

2 CRÓNICAS 13:7

puricujlla q'uilla, millai runacunami tandanacurcacuna. Paicunahuan tucushpami, Salomonpaj churi Roboamta c'ariyashpa mana cazurcacuna. Huambraraj cashcamanta mana c'ari c'ari cashpami, paicunataca mana cazuchi tucurca.

JOB 30:8

Paicunaca mana cazujcunapaj huahuacunami carca, shuti illaj runacunami carcacuna. Paicunapaj llajtapi causajcunapuramantaca yallitaj p'iñashcami carcacuna.

PROVERBIOS 12:11

Chagrata ruraj runaca sajsajta micungapajllapish charinmi. Ashtahuanpish yuyaita mana japijllami, puricujllacunataca catincuna.

SOFONÍAS 3:4

Paicunapaj huillajcunapish, llullashpalla huillajcunami. Paicunapaj curacunapish, Diospaj huasita mapayachijcunami, mandashcacunatapish mana cazujcunami.

Hechos 17:5

Chaimantami mana crij judiocunaca yallitaj p'iñarishpa q'uilla, millai maijan runacunata tandachishpa, caparichun jatarichircacuna. Chaimi Pablota, Silasta japishpa tucuicunapaj ñaupajman pushashun nishpa, Jasonpaj huasipi mashcangapaj huaicashpa yaicurcacuna.

JUECES 11:3

Chaimi Jefteca paipaj huauquicunamanta miticushpa, Tob llajtapi causagrirca. Q'uilla runacuna paihuan tandanacujpimi, paica paicunahuan llujshij carca.

JUECES 8:33

Gedeón huañushca q'uipaca, israelcunaca cutinllatajmi Baal nishca dioscunahuan huainayarcacuna. Paicunapaj dios cachunca, Baal-berit diostami agllarcacuna.

JUECES 9:27

Paicunaca chaipi causajcunahuan uva chagracunaman llujshishpa uvata tandashpa sarushpa capishpami, jatun micuita rurashpa paicunapaj dioscunapaj huasipi micushpa ubyashpa cushicurcacuna. Abimelectaca llaqui tucushca alli canman nircacunami.

1 SAMUEL 22:2

Llaquichishca causacujcunapish, ima mañashcata mana tigrachi tucujcunapish, yuyaipi llaquilla cajcunapish tucuicunami tandanacurcacuna. Davidtaca paicunata mandaj cachunmi churarcacuna. Paihuanca 400 shina gentecunami carca.