JUECES 9:2 - Dios Rimashca Shimicunami

² –Ñucaca cancunataca Siquem pueblopi tucui causajcunataca: ¿Cancunapaj yuyaipica, Jerobaalpaj tucui canchis chunga churicunataj mandanachu alli, mana cashpaca shujlla mandaj tiyanachu alli? nishpa tapuchunmi rogani. Ñucaca cancunapaj quiquin tullu, quiquin aicha cashcata yuyarichigari– nircami.

JUECES 9:2 Iomraidhean Croise

GÉNESIS 29:14

Chaimi Labanca: “Canca ñuca tullullataj, ñuca aichallatajmari cangui” nirca. Jacobca, ñami shuj quillata Labanhuan causarca.

2 SAMUEL 19:13

Amasa runatapish: ¿Manachu canpish ñuca tullu, ñuca aicha cangui? Cantaca Joabpaj randi tucui cambaj causaipi ñuca soldadocunata mandaj cachunmi churagrini. Mana chashna rurajpica ñucataca, Taita Dios jatunta llaquichichun ninmi nichij” nircami.

1 CRÓNICAS 11:1

Tucui Israel aillucuna Hebronpi Davidhuan tandanacushpaca: “Caipi cajcunaca tucuicunami cambaj tullu, cambaj aicha canchij.

Efesios 5:30

Ñucanchijca paipaj cuerpopaj miembrocunami canchij. Paipaj aichamanta, paipaj tullucunamantami canchij.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

JUECES 8:30

Gedeonca achca huarmicunayuj cashpami, canchis chunga churicunata charirca. Gedeonpaj huahua huahuacunaca achcacunami carca.

JUECES 9:18

Cunanca cancunaca ñuca yayapaj huasi familiata p'iñashpa jatarishpami, paipaj canchis chunga churicunataca shuj rumi jahuallapi tucuicunata huañuchishcanguichij. Ashtahuanpish ñuca yaya paipajta ruraj huarmihuan charishca churi Abimelectaca Siquempi causaj cancunapura cashcallamantamari, jatun mandaj cachun churashcanguichij.

JUECES 9:5

Abimelecca, Ofra pueblopi caj paipaj yayapaj huasiman shamushpami, canchis chunga paipaj huauquicunata shuj rumi jahuapi tucuicunata huañuchirca. Chaipica Jerobaalpaj churicunaca q'uipa churi Jotamllami miticushpa quishpirirca.