JUECES 8:6 - Dios Rimashca Shimicunami

⁶ Sucot pueblota mandajcunaca: –Cambaj soldadocunaman micunata carangapajca Zeba, Zalmuna jatun mandajcunataca ¿ñachari cambaj maquipi charicungui?– nircacunami.

JUECES 8:6 Iomraidhean Croise

GÉNESIS 25:13

Ismaelpaj churicunaca, paicuna ima shina huacharishca shinallataj caicunami: Ismaelpaj punta churica Nebaiotmi. Q'uipa churicunaca Cedar, Adbeel, Mibsam,

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

GÉNESIS 37:28

C'atushpa randishpa purij madianitacuna ña paicunapaj chaita ricujpimi, paicunaca Joseta jutcumanta llujshichishpaca, ismaelitacunaman ishqui chunga cullquipi c'aturcacuna. Chaicunaca Josetaca, Egiptomanmi aparcacuna.

1 REYES 20:11

Shina nijpimi israelcunata jatun mandajca: “Macanacuipaj allichirishca shayacushpallaca ama ña mishashca shina cushicuichu ninmi nigrichij” nishpa cacharca.

2 REYES 14:9

Ashtahuanpish israelcunata jatun mandaj Joasca Judá llajtata jatun mandaj Amasiasmanca: “Líbano urcupi tiyaj uchilla casha yurami, Líbano urcullapitaj tiyaj cedro yurataca: Cambaj ushushita ñuca churipaj huarmi cachun cui nichun cacharca. Shina nijpica chai Líbano urcupi causaj sacha animalcuna shamushpami chai casha yurataca sarushpa pasarcacuna.

PROVERBIOS 18:23

Huajcha runa ishqui maquita churashpa sumajta mingajpipish, charij runaca sinchi shimicunahuanmi cutichin.

Filipenses 2:21

Tucuicunami paicunapaj allipajlla mashcancuna, Cristo Jesuspajca mana yuyancunachu.

JUECES 5:23

Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.

JUECES 8:15

Gedeonca Sucot puebloman yaicushpami chaipi causajcunataca: –Canmanpish, canhuan caj shaicushca runacunamanpish carachunca Zebatapish, Zalmunatapish ¿ñachari cambaj maquipi charicunguiyari? nishpami, asishpa mana cararcanguichij. Cunanca Zebatapish, Zalmunatapish ñami apamuni, caipimi– nircami.

JUECES 8:5

Sucot pueblopi causajcunataca Gedeonca: –Ñucami madianitacunata mandaj Zeba, Zalmuna jatun mandajcunata llaquichingapaj caticuni. Ñucahuan shamujcunami achca shaicushca, paicunaman asha micunata carapaichij– nircami.