JUECES 8:3 - Dios Rimashca Shimicunami

³ Madianitacunata jatun mandaj Orebta, Zeebtaca Jatun Diosmi cancunapaj maquipi churashca. Cancuna rurashcahuan ch'imbapurajpica, ima allita mana rurai tucushcanichu– nircami. Gedeón chai shimicunata chashna rimajpica, Efraín aillu runacunaca paihuan p'iña cashca cashpapish alli tucurcallacunami.

JUECES 8:3 Iomraidhean Croise

SALMOS 115:1

Mandaj Dioslla alabashca canaca mana ñucanchijpajchu, mana ñucanchijpajchu quiquinpaj shutitamari alabashca cana cangui. Quiquinca c'uyaj cashcamanta, mana llullaj cashcamantami chashna alabashca cana cangui.

SALMOS 44:3

Cai allpataca mana paicunapaj espadahuan macanacushpachu japishcacuna. Paicunapaj rigrapish mana mishachircachu. Ashtahuanpish quiquinpaj alli lado rigrahuan, quiquinpaj sumaj achij nicujhuanmi mishachishcangui. Paicunapi cushicuj cashcamantami chashna rurashcangui.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

PROVERBIOS 16:32

Mana utca p'iñarij runaca, pitapish jahualla mishajta yalli allimari. Quiquinllataj jarcarishpa cazuchirij runaca shuj pueblota mishaj runatapish yalli allimari.

PROVERBIOS 25:11

Yachanaihuan cajpitaj cunashca alli shimicunaca curi manzanata, cullqui platopi cushca shinamari.

PROVERBIOS 25:15

Mandajca p'iñarishca cashpapish, allimantalla rimajpica alli tucunllami. Blandujlla shimicunaca sinchi shungutapish chaupinllami.

Juan 4:37

“Shujca tarpujmi, caishujca c'uchujmi” nishcami caipica chashnataj pajtan.

Romanos 12:3

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

Romanos 12:6

Mana c'uyaipajta c'uyashpa Dios cushca rurai tucunataca, ch'ican ch'icantami charinchij: Profetizachun cushcata maijan charijca, crinata cushca shina rurachun.

Filipenses 2:3

Imata rurashpapish mishanacushpa yanga jatun tucunapajllaca ama ruraichijchu. Chaipaj randica, ama jatun tucushpa caishujcunaca canta yalli cashcata yuyashpa, caishuj chaishuj c'uyanacuichij.

JUECES 8:2

Chaimi Gedeonca: –Cancuna rurashcahuan ch'imbapurashpa ricujpica ¿ima mana allitataj rurashcani? Efrainpaj aillu ch'alamushcaca ¿manachu Abiezer cozichashcata yalli alli?

JUECES 8:4

Chaimantaca Gedeonca paihuan caj, 300 runacunandijmi Jordán yacu c'uchuman shamushpa Jordán yacuta ch'imbarcacuna. Paicunaca shaicushca cashpapish ashtahuanmi madianitacunata catishpa rircacuna.