JUECES 8:22 - Dios Rimashca Shimicunami

²² Israelcunapish Gedeontaca: –Madianitacunapaj maquimanta ñucanchijta quishpichishcamantaca canmi ñucanchijta mandaj cangui. Cambaj churipish, cambaj nietopish mandajmi canga– nircacuna.

JUECES 8:22 Iomraidhean Croise

GÉNESIS 37:28

C'atushpa randishpa purij madianitacuna ña paicunapaj chaita ricujpimi, paicunaca Joseta jutcumanta llujshichishpaca, ismaelitacunaman ishqui chunga cullquipi c'aturcacuna. Chaicunaca Josetaca, Egiptomanmi aparcacuna.

Juan 6:15

Ashtahuanpish paitaca, jatun Mandajta rurangapaj huaicashpa shamushun ninacujtami Jesusca yacharca. Chaimantami pailla cutin jahua urcuman rirca.

JUECES 8:21

Chaimi Zebapish, Zalmunapish Gedeontaca: –Canllataj jatarishpa ñucanchijtaca huañuchiyari. Imatapish rurajpimi c'ari c'ari cashcataca ricun– nijpimi Gedeonca, jatarishcahuan Zebatapish, Zalmunatapish huañuchishpa paicunapaj camellocunapaj cungacunapi huarcushca lunatajlla sumajcunatapish japirca.

JUECES 8:23

Chaimi Gedeonca: –Ñucapish, ñuca churipish tucui cancunata mandajca mana cashunchu. Mandaj Diosmi tucui cancunata mandajca canga– nirca.

1 SAMUEL 12:12

Chashna cajpipish amonitacunata jatun mandaj Nahas cancunahuan macanacungapaj shamujta ricushpami: Ñucanchijpish shuj jatun mandajtami ninchij– nishpa ñucata mañarcanguichij. Mandaj cancunapaj Dios jatun mandaj cashcata yachashca jahuamari chashna nircanguichij.

1 SAMUEL 8:5

cashna nircacuna: “Canca ñamari yuyajyangui. Cambaj churicunaca can purishca ñancunapica mana purincunachu. Cunanca shujtaj llajtacuna ima shinami jatun mandajta charincuna, chai shinallataj ñucanchijtapish jatun mandaj mandachun jatun mandajta churai” nircacuna.