JUECES 8:2 - Dios Rimashca Shimicunami

² Chaimi Gedeonca: –Cancuna rurashcahuan ch'imbapurashpa ricujpica ¿ima mana allitataj rurashcani? Efrainpaj aillu ch'alamushcaca ¿manachu Abiezer cozichashcata yalli alli?

JUECES 8:2 Iomraidhean Croise

LEVÍTICO 19:9

Cambaj allpapi granota tandai punllacuna tandacushpaca, ama maipi tiyajta tucuita tandanguichu. Pambapi urmashca granotapish ama pallanguichu.

NÚMEROS 26:30

Galaadpaj churicunamanta mirarishcacunaca: Jezer runamanta mirarishca jezeritas nishca familiacuna, Helec runamanta mirarishca helequitas nishca familiacuna,

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 6:34

Paicuna chashna tandanacujpimi Gedeonpaj jahuamanpish Mandaj Diospaj Espíritu shamujpi, gachupi tocajpica, abiezeritacunaca paihuan tandanacurcacuna.

JUECES 8:1

Efrainpaj ailluca Gedeontaca: –Madianitacunahuan macanacunaman ricushpa ñucanchijta mana cayashpaca, ñucanchijtaca ¿imatataj rurashcanguichu imamí?– nishpami sinchita rimarcacuna.

JUECES 8:3

Madianitacunata jatun mandaj Orebta, Zeebtaca Jatun Diosmi cancunapaj maquipi churashca. Cancuna rurashcahuan ch'imbapurajpica, ima allita mana rurai tucushcanichu– nircami. Gedeón chai shimicunata chashna rimajpica, Efraín aillu runacunaca paihuan p'iña cashca cashpapish alli tucurcallacunami.