JUECES 8:10 - Dios Rimashca Shimicunami

¹⁰ Zeba, Zalmuna jatun mandajcunaca, Carcor pambapimi inti llujshin llajtamanta caj 15.000 soldadocunahuan tiyacurcacuna. Paicunapuramanta 120.000 soldadocunata israelcuna huañuchijpimi chaicunalla saquirircacuna.

JUECES 8:10 Iomraidhean Croise

2 REYES 3:26

Moab llajtata jatun mandajca, israelcuna paipaj soldadocunata mishajta ricushpami, espadahuan macanacuj paipaj 700 soldadocunata pushashpa, Edomta jatun mandajhuan macanacungapaj huichiyasha yuyashpapish mana huichiyai tucurca.

2 CRÓNICAS 13:17

Chai macanacuipica, Abiashuan paipaj soldadocunahuanca, 500.000 ashtahuan alli soldadocunatami israelcunataca huañuchircacuna.

2 CRÓNICAS 28:6

Remaliaspaj churi Peka soldadocarin, paipaj soldadocunahuanca shuj punllallapimi Judá llajtapi causajcunataca, 120.000 soldadocunata huañuchirca. Paicunapaj ñaupa yayacunata Mandaj Diosmanta anchurishcamantami, c'ari c'aricuna cajpipish, chai tucuita huañuchircacuna.

2 CRÓNICAS 28:8

Chai tucuita huañuchishca jahuami, Israel soldadocunaca Judá llajtapi causajcunataca prezu aparcacuna. Chai apashcacunaca huarmicunandij, c'ari huahuacunandij, huarmi huahuacunandij tandachishpa yupajpica, 200.000mi carca. Shinallataj achca charinacunatapishmi Samaria puebloman aparcacuna.

ISAÍAS 37:36

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

ISAÍAS 9:4

Paicunata llashacuj yugotapish quiquinmari p'aquircangui. Paicunapaj rigra jahuapi caj caspitapish, quiquinmari p'aquircangui. Paicunata llaquichicuj varatapish quiquinmari p'aquircangui. Madiancunata llaquichi punllapi shinamari rurangui.

JUECES 20:15

Benjaminpaj aillupaj macanacuj runacunaca 26.000 soldadocunami carca. Gabaa pueblopi causaj 700 alli macanacunata yachaj runacunata mana yupashcami chaica carca.

JUECES 20:17

Israelcunaca Benjamín ailluta mana yupashcami, 400.000 soldadocuna espadacunahuan carca. Tucui chaicunaca macanacunata alli yachaj runacunami carca.

JUECES 20:2

Tucui israelcunata pushajcunapish, tucui Israel aillucunapishmi chaipica tandanacurcacuna. Chai tandanacuipica tucui Dios agllashcacunami chaipi carcacuna. Chaquillahuan purij 400.000 soldadocunapishmi tandanacurcacuna.

JUECES 20:25

Benjaminpaj aillu Gabaa pueblomanta cutinllataj israelcunahuan macanacungapaj llujshishpaca, 18.000 soldadocunatami huañuchircacuna. Chai israelcunaca tucuicunami espadahuan alli macanacunata yachajcuna carca.

JUECES 20:35

Israelcunaca Mandaj Dios mishachijpimi, chai punllallataj Benjaminpaj aillutaca, espadahuan alli macanacunata yachaj 25.100ta huañuchircacuna.

JUECES 20:46

Chai punllaca Benjaminpaj aillu runacunaca 25.000 alli macanacunata yachajcunami huañurcacuna. Paicunaca tucuicunami macanacunata alli yachajcuna carca.

JUECES 6:5

Paicunaca animalcunandij, paicunapaj carpa huasicunandij yallitaj gentecuna huichiyamushpami, langosta c'urucuna shina tucui llajtapi jundarircacuna. Paicunapish paicunapaj camellocunapish mana yupaipaj achcacuna shamushpami, ima tiyashcatapish tucuita chingachircacuna.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.

JUECES 7:13

Gedeón ña chayashpaca, shuj runa pai muscushcata paihuan caj caishuj runaman parlacujtami uyarca: –Chai runaca ñucaca shuj muscuitami muscurcani. Shuj cebada tanda singumushpaca, cai ñucanchij madianitacunapaj carpa huasicamami singumurca. Carpa huasipi huajtarishpa, tucuita urmachishpa pambaman shitajpica, carpa huasica tucui urmashca saquirijtami muscurcani– nircami.

JUECES 7:22

300 israelcunaca trompetacunapi tocacujpi Mandaj Dios mandianitacunataca tucuicunata paicunapurallatataj caishujhuan chaishujhuan macanacuchijpimi, paicunapurallataj macanacurcacuna. Chaimantami madianitacunapaj tucui soldadocunaca Zerera pueblo ch'imbanij Bet-sita pueblocama, Tabatpi caj Abel-mehola pueblopaj lindecama callpashpa miticugrircacuna.

JUECES 8:11

Chaimantaca Gedeonca Noba, Jogbeha pueblocunamanta inti llujshin ladoman carpa huasicunapi causacujcunapaj ñanta huichiyashpami paicunata llaquichirca. Paicunapaj soldadocuna mana cuidacushcamantami chashna rurarca.