JUECES 8:1 - Dios Rimashca Shimicunami

¹ Efrainpaj ailluca Gedeontaca: –Madianitacunahuan macanacunaman ricushpa ñucanchijta mana cayashpaca, ñucanchijtaca ¿imatataj rurashcanguichu imamí?– nishpami sinchita rimarcacuna.

JUECES 8:1 Iomraidhean Croise

2 SAMUEL 19:41

Tucui Israel runacunapish jatun mandajpajman shamushpaca: –¿Ima nishpataj ñucanchij huauqui judacunalla can jatun mandajtapish, cambaj familiacunatapish, cambajta rurajcunatapish Jordán yacuta ch'imbachishpa pusharca?– nircami.

2 SAMUEL 19:42

Shina nijpi tucui judacunaca tucui israelcunataca: –Jatun mandajca ñucanchij c'uchulla familiallataj cajpimi, chashna rurarcanchij. Chaita rurashcamantachu cancunaca ¿p'iñaringuichij? ¿Ñucanchijca jatun mandajpajtachu imata micushcanchij? ¿Ima convidanatachu paipajta japishcanchij?– nircacunami.

JOB 5:2

Rumi shungu runataca, p'iñarina yuyaillami huañuchicun. Charina yuyailla causajcunataca, shujtajcuna charishcata munana yuyaillami tucuchicun.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

OSEAS 13:1

Efraín rimajpica, jatun manchaimi tiyarca. Paica Israelpica alli nishcami carca. Ashtahuanpish Baalta adorashpa juchallishpami huañurca.

JUECES 8:2

Chaimi Gedeonca: –Cancuna rurashcahuan ch'imbapurashpa ricujpica ¿ima mana allitataj rurashcani? Efrainpaj aillu ch'alamushcaca ¿manachu Abiezer cozichashcata yalli alli?