JUECES 7:8 - Dios Rimashca Shimicunami

⁸ Gedeonca paicuna charicushcacunatapish, trompetacunatapish saquirijcunapaj saquichishpami, tucui caishujcunataca paicunapaj carpa huasiman tigrachishpa cacharca. Chashna rurashpaca chai agllashca, 300 runacunallahuanmi chaipica saquirirca. Madianitacunapaj carpa huasicunaca chai uranijlla pugru pambapimi carca.

JUECES 7:8 Iomraidhean Croise

ISAÍAS 27:13

Chai punllapica cashnapishmi canga. Jatun trompetapi tocajpica Asiria llajtata urata janajta cachashcacunami shamungacuna. Llajtamanta Egiptoman llujshichishpa cachashcacunapish tandanacumungacunami. Paicunaca Diospajlla urcu Jerusalenpimi Mandaj Diosta adorangacuna.

LEVÍTICO 23:24

“Israelcunata cashna nishpa mandai: Canchis quillapaj callari punllapica samana punllami canga. Chai punllapica trompetacunapi tocashpa tucuita cayashpa Taita Diosta yuyarishpa Diospajlla tandanacuita charinguichij.

LEVÍTICO 25:9

Canchis quillapaj chunga punllapica, sinchita trompetapi tocachinguichij. Juchacunata perdonana punllapi, chashna tucui cancunapaj llajtapi trompetata tocachinguichij.

NÚMEROS 10:9

Cancunapaj llajtapi cajpi cancunata p'iñajcuna cancunahuan macanacunaman shamugrijpi, paicunahuan macanacunaman llujshigrishpaca yallitaj sinchita trompetacunapi tocachinguichij. Chashna rurajpimi Mandaj Dios cancunapaj Dios cancunata yuyarishpa, cancunata p'iñajcunamanta quishpichishca canguichij.

1 Corintios 15:52

Tucuri trompeta uyarijpica, ñahui quimllai shinallapimi shujtajyachishca cashun. Trompetapi tocajpica huañushcacunaca, mana ismuj cuerpohuanmi causachishca cangacuna. Ñucanchijpish shujtajyachishcami cashun.

JOSUÉ 6:20

Curacuna bocinapi tocajpica, tucui israelcunaca sinchitami caparircacuna. Paicuna tocashcacunapish, sinchita caparishcacunapish uyarijpica, chai pueblo muyundij pircacunaca urmarcallami. Chai pircacuna urmajpica, tucui israelcuna paicuna ricushca derechota huichiyashpami llaquichingapaj yaicurcacuna.

JOSUÉ 6:4

Canchis curacunaca carneropaj canchis gachu bocinacunahuan ñuca arcata apajcunata ñaupachuncuna. Canchis punllapica, canchis cutin chai pueblota muyunguichij. Curacunaca chai gachucunapi tocashpa ñaupachuncuna.

JUECES 3:27

Israel llajtaman chayashpaca, Aodca tucuicunata tandachingapajmi Efraín urcupi gachupi tocarca. Tucuicuna tandanacushpami chai urcumanta paihuan uriyamurca. Aodca paicunata ñaupashcami uriyamurca.

JUECES 6:33

Madianitacunapish, amalecitacunapish, inti llujshin llajta runacunapish shuj shinalla tandanacushpami, Jordán yacuta ch'imbashpa, Jezreel pugru pambapi carpa huasicunata shayachishpa tiyarircacuna.

JUECES 7:7

Chai q'uipami Mandaj Diosca, Gedeontaca: “Yacuta maquihuan apashpa ubyaj cai 300 runacunahuanmi madianitacunataca cambaj maquipi churashpa, tucui cancunata quishpichigrini. Caishujcunataca tucuicunata huasiman tigrachishpa cachailla” nirca.

JUECES 7:9

Chai tutallatajmi Mandaj Diosca, Gedeontaca: “Jatari, madianitacunapaj carpa huasicunaman uriyai. Paicunataca ñami cambaj maquipi churarcani.