JUECES 7:7 - Dios Rimashca Shimicunami

⁷ Chai q'uipami Mandaj Diosca, Gedeontaca: “Yacuta maquihuan apashpa ubyaj cai 300 runacunahuanmi madianitacunataca cambaj maquipi churashpa, tucui cancunata quishpichigrini. Caishujcunataca tucuicunata huasiman tigrachishpa cachailla” nirca.

JUECES 7:7 Iomraidhean Croise

JUECES 7:6

Yacuta maquihuan japishpa ubyajcunaca, 300 runacunallami carca. Caishujcunaca tucuicunami cungurishpa ubyarcacuna.

JUECES 7:8

Gedeonca paicuna charicushcacunatapish, trompetacunatapish saquirijcunapaj saquichishpami, tucui caishujcunataca paicunapaj carpa huasiman tigrachishpa cacharca. Chashna rurashpaca chai agllashca, 300 runacunallahuanmi chaipica saquirirca. Madianitacunapaj carpa huasicunaca chai uranijlla pugru pambapimi carca.

1 SAMUEL 14:6

Jonatanca, paipaj macanacunata apajtaca: –Cuidacuj circunsicionta mana rurashcacunapajman ch'imbashpa jacu. Mandaj Diosca ñucanchijpaj imallatapish rurangapishchari, paipajca ima mana sinchichu. Achcahuan cashpapish ashallahuan cashpapish, paica mishachinllami– nirca.

1 SAMUEL 23:4

Chaimi Davidca, cutinllataj Mandaj Diosta tapujpi Mandaj Diosca: –Jatari, Keila puebloman uriyai. Ñucami filisteocunataca cambaj maquipi churasha– nijpimi,