JUECES 7:25 - Dios Rimashca Shimicunami

²⁵ Madianitacunataca ishqui mandajcunatami prezu japircacuna paicunaca Oreb, Zeeb shuti jatun mandajcunami carca. Orebtaca jatun c'acapimi huañuchircacuna. Chai c'acataca Orebpaj c'aca nincunami. Zeebtaca, uvata capinapimi huañuchircacuna. Chaipi caj uvasta capina jutcutaca Zeebpaj uvata capina jutcu nincunami. Madianitacunata catishca q'uipaca, Orebpaj Zeebpaj umacunata apashcami, Jordán yacu ch'imba ladopi Gedeón cajpi chaiman shamurcacuna.

JUECES 7:25 Iomraidhean Croise

SALMOS 83:10

Paicunaca Endor pueblopimi chingarircacuna. Allpapaj majada tucushpamari saquirircacuna.

ISAÍAS 10:26

Tucuita Mandaj Diosca israelcunata llaquichijta llaquichingapajca, azotinatami alzanga. Oreb c'acapi Madiancunata huañuchij shinallatajmi huañuchinga. Paipaj caspitaca cucha jahuatami chutanga. Egipto ñanpi rurashca shinallatajmi ruranga.

ISAÍAS 9:4

Paicunata llashacuj yugotapish quiquinmari p'aquircangui. Paicunapaj rigra jahuapi caj caspitapish, quiquinmari p'aquircangui. Paicunata llaquichicuj varatapish quiquinmari p'aquircangui. Madiancunata llaquichi punllapi shinamari rurangui.

HABACUC 3:7

Cusán llajtapi tiyaj carpa huasicuna urmajtapish ricurcanimi. Madián llajtapi tiyaj carpa huasicunapish chujchurcami.

JOSUÉ 7:26

Chai jahuapica, cunancama tiyacuj jatun montón rumicunatami montonarcacuna. Chaipimi Mandaj Diosca israelcunahuan yallitaj p'iñarishca cashcamantaca alli tucurca. Acanta huañuchishca pambataca cunancamami, Acor pamba nincuna.