JUECES 7:2 - Dios Rimashca Shimicunami

² Mandaj Diosca Gedeontaca: “Madianitacunata cambaj maquipi ñuca churangapajca, canhuan caj israelcunaca yallitaj achcacunamari. Chashna cajpi cambaj maquipi churajpica: Ñucanchij maquihuantaj macanacushpami quishpirinchij” nishpami, israelcunaca ñucata yanganchishpa jatun tucungacuna.

JUECES 7:2 Iomraidhean Croise

GÉNESIS 46:2

Chai tutami Taita Diosca yaya Israelman muscuipi shina ricurishpaca: –Jacob, Jacob– nijpi paica: –Caipimi cani– nirca.

2 CRÓNICAS 14:11

Chaipimi Asaca, paita Mandaj Diostaca cashna caparishpa mañarca: “¡Mandaj Taita Dioslla, can ayudashpallami achca soldadocuna cajpipish mishachingui! Ashacunalla cajpipish, can ayudashpaca mishachinguillami. Chaimantami ñucanchijta Mandaj, can Taita Diosllapi shungutaca churanchij. Ñucanchijta ayudahuaiyari. Cambaj shutipimari, cai soldadocunahuan macanacunaman shamunchij. Can Mandaj Diosmari ñucanchij Dios cangui. Canhuan macanacungapajca pipish mana shayari tucuipaj cashcata ricuchiyari” nishpami mañarca.

ISAÍAS 10:13

Chaimi paica cashna nirin: “Ñucaca yuyaisapami cashcani. Ñucaca chashna cashpa c'ari c'ari cashcahuan, ñuca maquihuan, ñuca yachaj cashcahuanmi chashna rurarcani. Cai tucui gentecunapaj llajtacunatapish japircanimi. Paicunapaj charishcacunatapish quichurcanimi. Mandashpa tiyacujcunataca yallitaj c'ari c'ari runa shinami jahualla urmachircani.

ISAÍAS 2:11

Jatun tucushca ñahuicunaca cumurichishcami canga. Jatun tucushcacunaca pingachishcami canga. Chai punllapica, Mandaj Diosllami jatunyachishca canga.

ISAÍAS 2:17

Jatun tucushcacunaca cumurichishcami canga. Paicunapaj yuyaimanta jatunmi canchij nijcunaca cumurichishcami canga. Chai punllapica Mandaj Diosllami jatunyachishca canga.

JEREMÍAS 9:23

Mandaj Diosca cashnami nin: “Yachajpish ama pai yachashcallahuan cushicuchun. C'ari c'ari runapish, ama c'ari c'ari cashcallamanta cushicuchun. Charij runapish, ama pai charishcacunallamanta cushicuchun.

EZEQUIEL 28:17

Canca cambaj shungu ucullapica, sumajmi cani nirishpami jatun tucurcangui. Achij nicuj cashcamantami alli yachaitapish chingachircangui. Chaimantami cantaca pambaman shitarcani. Can imalla tucushcata ricuchunmi jatun mandajcunapaj ñaupajpi churasha.

EZEQUIEL 28:2

“Huañujlla aichayuj runalla, Tiro pueblota mandajmanca cashna huillai: Mandaj Jatun Diosca cashnami nin: Canca cambaj shungupi jatun tucushpami: Ñucaca diosmi cani. Chaimantami Taita Dios tiyarinapi tiyarishpa, mama cucha chaupipi tiyacuni nircangui. (Canca runallamari cangui, manamari Dios canguichu). Chashna cashpapish cambaj shungupica, Dios cashcatamari yuyangui.

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.

HABACUC 1:16

Chashna tandachishcamantami, linchimanca animalcunata cushpa huañuchingacuna. Mallacunamanca sahumeriocunatami rupachingacuna. Chaicunahuanmi achcata charijyarcacuna. Chaimantami micunatapish achcata charircacuna.

ZACARÍAS 12:7

Shinallataj Davidpaj huahua huahuacunapish, Jerusalenpi causajcunapish ama Judapaj huahua huahuacunata yalli jatunyachishca cachunmi, Mandaj Diosca Judá llajtapi causajcunataraj ñaupaman quishpichinga.

ZACARÍAS 4:6

Chaimantami chai angelca, ñucamanca cashna nirca: “Zorobabelmanmi Mandaj Diosca cashna nin: Mana soldadocunallahuanchu, mana c'ari c'ari macanacushpallachu mishangui. Ashtahuanpish ñuca Espirituhuanmari mishangui.

NÚMEROS 31:4

Chai macanacuimanca, cada aillumanta 1.000 soldadocunata cachaichij– nircami.

Romanos 11:18

Alli olivos ramacunata p'iñashpa ama jatun tucungui. Jatun tucucushpaca yuyaringui. Mana canchu sapitaca charicungui, ashtahuanpish sapimi cantaca charicun.

Romanos 3:27

¿Jatun tucunaca maipitagari? Chaica chingachishcamari saquirin. ¿Maijan mandashcataj chaitaca chingachin? ¿Mandashcapi nishcacunata rurashcamantachu chingachin? Mana chaimantachu, ashtahuanpish crichun mandashcata crishcamantami chashna tucun.

2 Corintios 4:7

Tucuita rurai tucunaca Diosmanta shamuj cashcata, mana ñucanchijmanta cashcata ricuchingapajmi, cai sumaj allitaca allpa vasocuna shinalla ñucanchij cuerpopi charicunchij.

Efesios 2:9

Pi ama jatun tucuchunmi, rurashcacunamantaca mana quishpichishca.

DEUTERONOMIO 32:27

Paicunata p'iñajcuna c'amishpa ñucata asichunca mana munashpami, mana chashna chingachircani. Chai runacuna pugllachunmi mana munarcani. Chai runacunataca: 'Mana Mandaj Dioschu cashna chingachin. Ashtahuanpish ñucanchij alli c'ari c'aricuna cashpami chashna tucuchinchij nishpami' jatun tucunmancuna carca.

DEUTERONOMIO 8:17

Cancunaca cancunapaj shungupica ñataj: Cai charinacunataca ñucanchij maquihuan, ñucanchij fuerzahuan trabajashpami charinchij ninguichijman.

DEUTERONOMIO 8:18

Ashtahuanpish chaicunata charichunca, Mandaj Dios cancunapaj Taita Dios fuerzata cushcatami manataj cungarina canguichij. Paimi charijyaj cachun fuerzata cujca. Paica cancunapaj ñaupa yayacunaman cushatajmi nishcata pajtachingapajmi cunan punlla cancunahuan chashna ruran.

Santiago 4:6

Ashtahuanpish Diosca, mana c'uyaipajta c'uyaj canatami achcata cun. Chaimantami: “Diosca valishca tucujcunataca mana ricunachin. Mana jatun tucujcunamanmi mana c'uyaipajta c'uyaj canata cun” ninmi.

1 SAMUEL 14:6

Jonatanca, paipaj macanacunata apajtaca: –Cuidacuj circunsicionta mana rurashcacunapajman ch'imbashpa jacu. Mandaj Diosca ñucanchijpaj imallatapish rurangapishchari, paipajca ima mana sinchichu. Achcahuan cashpapish ashallahuan cashpapish, paica mishachinllami– nirca.