JUECES 7:19 - Dios Rimashca Shimicunami

¹⁹ Chaupi tuta cuidaj soldadocunapaj cuidana horas chayajpi, paicuna cuidai callaricujpimi, Gedeonca paihuan rij patsaj runacunandij paicuna maipi tiyacunman c'uchuyarcacuna. Chaipimi trompetacunapi tocashpa, paicunapaj maquipi charicun puñucunatapish p'aquircacuna.

JUECES 7:19 Iomraidhean Croise

SALMOS 2:9

Paicunataca fierro varahuan p'aquingui. Allpa mangata shina ñutungui” ninmi.

SALMOS 90:4

Huaranga huatacunaca quiquinpaj ñahuipica caina punlla chishiyashca shinallami. Shuj tutapi asha horascuna pasaj shinallami.

ÉXODO 14:24

Chai tuta ña pacaricuitami Mandaj Diosca lunyacuj ninamanta, suni p'uyumanta ricurishpa, Egipto soldadocunataca tucui muspachishpa,

Mateo 25:6

Chaupi tutapica ñapish: “¡Ñami novioca shamun, tupanaman llujshichij!” nishpa caparishcami uyarirca.

1 Tesalonicenses 5:2

Cancunaca allimi yachanguichij. Mandaj Jesusca shuhua shinami tuta shamunga.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

JUECES 7:16

Chaipica paihuan caj 300 runacunata quimsapi ch'icanchishpaca, tucuicunamanmi trompetacunata paicunapaj maquipi curca. Chushaj puñucunatapish curcami. Chai puñucuna ucupica nina sindicunami rupacurca.

JUECES 7:18

Ñucapish, ñucahuan rijcunapish trompetapi tocajpica, cancunapish chai runacuna tiyacun muyundijpi trompetacunapi tocashpaca: Mandaj Diosmantapish, Gedeonmantapishmi macanacugrinchij ninguichij– nircami.

JUECES 7:20

Quimsapi ch'icanchishca runacunaca tucuicuna trompetacunapi tocashpa, puñucunataca p'aquishpami nina sindicunataca lluqui maquihuan japircacuna. Trompetacunata alli maquihuan japishpami: “Mandaj Diospaj, Gedeonpaj espadamantami macanacugrinchij” nishpa caparircacuna.