JUECES 7:16 - Dios Rimashca Shimicunami

¹⁶ Chaipica paihuan caj 300 runacunata quimsapi ch'icanchishpaca, tucuicunamanmi trompetacunata paicunapaj maquipi curca. Chushaj puñucunatapish curcami. Chai puñucuna ucupica nina sindicunami rupacurca.

JUECES 7:16 Iomraidhean Croise

GÉNESIS 14:15

Chaipica Abrampish paipajta rurajcunapish paicunataca tuta paicuna imata mana yuyashcapi ñapish japishpami, Damasco pueblo jananij Hoba pueblocama llaquinayajta callpachircacuna.

2 SAMUEL 18:2

Chai q'uipaca Davidca paicunata cachangapajca quimsapi chaupishpami, shuj mirgataca Joab pushachun churarca. Caishuj mirgataca, Abisai pushachunmi churarca. Abisaica Sarviapaj churi, Joabpaj huauquimi carca. Chaishuj mirgataca, Geteo Itai runa pushachunmi churarca. Chashna rurashpaca jatun mandajca: –Ñucapish macanacunaman cancunahuanmi llujshigrini– nirca.

2 Corintios 4:7

Tucuita rurai tucunaca Diosmanta shamuj cashcata, mana ñucanchijmanta cashcata ricuchingapajmi, cai sumaj allitaca allpa vasocuna shinalla ñucanchij cuerpopi charicunchij.

JUECES 7:15

Imata muscushcatapish, chai muscui imata nisha nishcatapish parlanacujta uyashpa, Diosta adorashpami, Gedeonca israelcunapaj carpa huasicunaman tigrashpaca: –Jatarichij, Mandaj Diosca madianitacunataca, paicunapaj carpa huasicunandijmari cancunapaj maquipi churashca– nirca.

JUECES 7:17

Chai q'uipaca cashnami nirca: –Ñucata ricushpa ñuca ima shina rurashca shinallataj ruranguichij. Madianitacunapaj carpa huasicunaman chayashpa ima shina ñuca rurajpica chai shinallataj cancunapish ruranguichij.

1 SAMUEL 11:11

Chai cayandij punllami Saulca israelcunataca quimsapi chaupishpa pacarinapaj cuidacui horas shinata amonitacunapaj carpa huasicuna chaupiman chayarca. Chaipimi amonitacunataca inti cunujyachina horascama macanacushpa huañuchirca. Maijan mana huañujcunallami, urata janajta shuj shujlla miticushpa rircacuna.