JUECES 7:13 - Dios Rimashca Shimicunami

¹³ Gedeón ña chayashpaca, shuj runa pai muscushcata paihuan caj caishuj runaman parlacujtami uyarca: –Chai runaca ñucaca shuj muscuitami muscurcani. Shuj cebada tanda singumushpaca, cai ñucanchij madianitacunapaj carpa huasicamami singumurca. Carpa huasipi huajtarishpa, tucuita urmachishpa pambaman shitajpica, carpa huasica tucui urmashca saquirijtami muscurcani– nircami.

JUECES 7:13 Iomraidhean Croise

1 Corintios 1:27

Yachaisapacunata pingachingapajmi, cai pachapaj cajcuna imata mana yachajmi nishcacunataraj Diosca agllarca. Sinchicunata pingachingapajmi, cai pachapaj cajcuna irquimi nishcacunataraj Diosca agllarca.

JUECES 3:15

Chaipi llaquita apacushpami, israelcunaca Mandaj Diosta caparishpa mañarcacuna. Mandaj Diosca paicunata llujshichichunca Benjamín aillumanta Gerapaj churi Aodtami agllarca. Aodca lluquimi carca. Israelcunaca Moab llajtata jatun mandaj Eglonman convidanata cugrichunmi Aodta cacharcacuna.

JUECES 3:31

Aodpaj q'uipaca, Anatpaj churi Samgarmi israelcunapaj juez tucurca. Paimi filisteocunataca huagracunata tujsina garrochahuan, 600 runacunata huañuchirca. Chashnami paipish israelcuna llaquita apacushcamantaca quishpichirca.

JUECES 4:21

Sísara runaca shaicushca yallitaj dorminaihuan cashpami huañuita dormirca. Chaimi Heberpaj huarmi Jaelca carpa huasita charichina ishtacatapish, tacana mazotapish japishpa, Sisarapajman upajlla c'uchuyashpaca, rinrin jahuanijllapi sinchita tacashpa chai ishtacataca pambacama yaicuchirca. Chashnami Sísara runaca huañurca.

JUECES 4:9

Shina nijpi Débora huarmica: –Shinashpaca, ñucapish canhuan risha. Cai macanacuipica, Sisarataca shuj huarmipaj maquipimi Mandaj Diosca churanga. Chaimanta chai macanacuita mishashcamantaca mana canchu alli nishca saquiringui– nijpimi, Débora huarmica jatarishcahuan Barac runahuan Cedesman rirca.

JUECES 6:15

Gedeonca Mandaj Diostaca: –Aij, ñuca amito ñucaca ¿imahuantaj israelcunataca quishpichishari? Manasespaj aillupica ñucanchij familiamari tucuimanta yalli huajchacuna canchij. Ñuca yayapaj huasipipish ñucamari tucuicunapaj q'uipa cani– nircami.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.

JUECES 7:14

Chaimi paihuan caj caishuj runaca: –Chaica ima shujtajta mana nisha ningachu, israelcunapura Joaspaj churi Gedeonpaj espadatamari nisha ninga. Mandaj Diosca ñucanchij cai madianitacunatami tucui carpa huasicunandij Gedeonpaj maquipi churagringa– nircami.

JUECES 8:10

Zeba, Zalmuna jatun mandajcunaca, Carcor pambapimi inti llujshin llajtamanta caj 15.000 soldadocunahuan tiyacurcacuna. Paicunapuramanta 120.000 soldadocunata israelcuna huañuchijpimi chaicunalla saquirircacuna.