JUECES 7:11 - Dios Rimashca Shimicunami

¹¹ Chaipica paicunapura imata parlanacucujtami uyangui. Chaita uyashpami cambaj maquicunaca sinchi tucujpi macanacungapaj paicunapaj carpa huasicunaman uriyangui” nircami. Chaimi Gedeonca, paipajta ruraj Fura shuti runahuan uriyashpaca, macanacungapaj allichirishcacuna tiyacun carpa huasi c'uchuman rircacuna.

JUECES 7:11 Iomraidhean Croise

GÉNESIS 24:14

maijan solteratami ñuca: Cambaj puñuta uricuchishpa yacuta ñucaman ubyachihuai nijpi paica: Ubyailla, cambaj camellocunamanpish ubyachisha nij huarmimi, cambajta ruraj Isaacman quiquin cushca huarmi canga. Chaita ricushpami, ñuca amota quiquin c'uyashcataca yachasha” nircami.

ESDRAS 6:22

Israelcunapaj Mandaj Diospaj huasita ruranata ashtahuan fuerzarichun Asiria llajtata jatun mandajta Mandaj Diosllataj israelcunata llaquina yuyaita cushcamantami levadura illajlla tandata micuna jatun fiestatapish cushicushpa canchis punllata rurarcacuna.

NEHEMÍAS 6:9

Tucui paicunaca chai pircacushcataca, manchashpa mana tucuchingacunachu nishpami, chashna manchachishun nircacuna. “Chashna nicujpipish Taita Dioslla, ñucaman ashtahuan rurana yuyaita cuhuayari” nishpami mañarcani.

ÉXODO 13:18

Taita Diosca israelcunataca shitashca pambata Puca Cuchaman rina ñanta muyuchishpami pusharca. Israelcunaca Egiptomantaca tucuicunami soldadocuna shina mirga mirgapi ch'icanchishca huichiyarcacuna.

Efesios 3:16

Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.

Efesios 6:10

Ñuca huauquicunalla caillahuanmi nisha nini, paipaj poderyuj fuerzahuan Mandaj Jesuspi sinchiyaichij.

Filipenses 4:13

Ñucata sinchiyachij Cristohuanca, tucui imatapish rurai tucunimi.

JUECES 7:10

Paicunapajman uriyanata manchacushpaca, cambajta ruraj Fura runahuanraj paicunapaj carpa huasicunaman uriyai.

1 SAMUEL 14:12

Chaita ricushpami cuidashpa chapacujcunaca, Jonatantapish, paipaj macanacunata apajtapish: –Caiman huichiyamuichij, ñucanchijca cancunamanca shuj huillanatamari huillashun ninchij– nijpimi Jonatanca, paipaj macanacunata apajtaca: –Ñucata catishpa jaculla. Mandaj Diosca paicunataca, israelcunapaj maquipimari ña churashca– nirca.

1 SAMUEL 23:16

Chaimi Saulpaj churi Jonatanca jatarishcahuan Hores urcupi David cajpi chaiman shamurca. Paica Taita Diosllapi shunguta churai nishpami,

1 SAMUEL 26:6

Davidca heteo Ahimelecta, Joabpaj huauqui Sarviapaj churi Abisaitaca: –Carpa huasicunata shayachishpa Saúl maipi canmanca ¿maijantaj ñucahuan uriyashun ninguichij?– nijpi Abisaica: –Ñuca canhuan uriyasha– nirca.