JUECES 6:3 - Dios Rimashca Shimicunami

³ Israelcuna tarpushca chagracunatapish madianitacuna, amalecitacuna, inti llujshin llajtamanta runacunapish huichiyamushpami llaquichijcuna carca.

JUECES 6:3 Iomraidhean Croise

GÉNESIS 25:6

Paipaj caishuj huarmicunapaj huahuacunamanpish tucuicunamanmi asha ashata convidarca. Abrahamca pai causacushparajmi paipaj caishuj churicunataca paipaj churi Isaacmanta ch'icanyachishpa inti llujshin ladoman caj llajtacunapi causachun cacharca.

GÉNESIS 29:1

Jacobca pai ricushca ñanta rishpaca, inti llujshin ladoman causajcunapaj llajtamanmi chayarca.

1 REYES 20:27

Israelcunapish paicunapaj soldadocuna mashna cashcata ricushpami, paicuna imalla apana cashcata apashpa siriocunahuan macanacungapaj tupagrircacuna. Israelcunaca ishquipi chaupirishpami, carpa huasicunata shayachishpa siriocunapaj ch'imbapurapi ishqui canlla chivocuna valilla tiyarircacuna. Siriocunaca chai tucui pamba jundami carca.

1 REYES 4:30

Salomonpaj yachaica inti llujshin ladoman caj jatun yachajcunapaj yachaitapish yalli, egipciocunapaj tucui jatun yachajcunapaj yachaitapish yallimi carca.

1 REYES 5:10

Hiramca Salomonmanca cedro caspicunata, ciprés caspicunataca Salomón munashca shinami curca.

JOB 1:3

Paipaj haciendapica, 7.000 ovejacunatapish, 3.000 camellocunatapish, 500 yunta huagracunatapish, 500 burrocunatapish, cullqui jahua servijcunatapishmi yallitaj achcata charirca. Inti llujshin ladopi causajcunapuramantaca, paillami yallitaj charij carca.

JOB 31:8

ñuca tarpushcacunataca shujtajcuna micuchunlla. Ñuca tarpushcacunataca p'itishpa shitachunlla.

ÉXODO 17:8

Amaleccunaca israelcunahuan macanacungapaj shamushpami Refidimpi macanacurcacuna.

ISAÍAS 11:14

Ashtahuanpish ishquindij tucushpami, inti huashicun ladopi caj filisteocunataca llaquichinga. Inti llujshin ladopi causajcunatapish imalla charishcacunata quichungacunami. Edomcunapish, Moabcunapish paicunapajtami rurangacuna. Amonitacunapish paicunatami cazungacuna.

ISAÍAS 62:8

Mandaj Diosca paipaj alli maquihuan, tucuita rurai tucuj rigrahuanmi cashna nin: “Cambaj trigotaca canta p'iñajcuna micuchunca ña manataj cushachu. Can trabajashca uva vinomantaca mana israelcunaca ña manataj ubyangacunachu.

JEREMÍAS 49:28

Cedar nishcacunatapish, Hazor pueblota mandajcunatapish Babilonia llajtata jatun mandaj Nabucodonosormi tucuchirca. Pai manaraj tucuchijpimi, paicunamantaca Mandaj Diosca cashna huillarca: “Cedar nishcacunahuan macanacunaman tandanacushpa shamuichij. Inti llujshin llajtapi causajcunataca tucuchichigari.

EZEQUIEL 25:3

Amonpaj huahua huahuacunataca cashna ningui: Mandaj Jatun Dios rimashcata uyaichij. Mandaj Jatun Diosca cashnami nin: Cancunaca ñucapajlla huasi yanga tucushcata ricushpapish, Israel llajta llaquinayaj cashcata ricushpapish, Judá llajtapi causajcunata prezu apajta ricushpapish: ¡Allimi! nishpami cushicurcanguichij.

EZEQUIEL 25:4

Chaimantami cancunataca inti llujshin pueblocunapi causajcunaman cusha. Paicunami, cancuna causacun pueblocunata quichushpa, chaipi corralcunatapish, carpa huasicunatapish rurangacuna. Cancuna tarpushca granocunatapishmi micungacuna, lechetapishmi ubyangacuna.

LEVÍTICO 26:16

ñucapish cancunahuanca cashnami rurasha: Cancunapajmanca jatun manchaita, purij ungüita, fiebre ungüita cachajpimi cancunapaj ñahuicunata tucuchinga aicha irquiyana ungüitapishmi cachasha. Tarpunatapish yangallami tarpunguichij. Cancunata p'iñajcunallami micungacuna.

MIQUEAS 6:15

Tarpushpapish, mana imata tandanguichu. Olivo granota capishpapish, mana chai aceitehuanca churaringuichu. Uvata capishpapish, vinotaca mana ubyanguichu.

DEUTERONOMIO 28:51

Chaicunaca cancunapaj animalcuna mirashcatapish, cancunapaj allpapi p'ucushcacunatapish cancuna tucui chingaringacamami micungacuna. Cancunapajca trigotapish, llullu vinotapish, aceitetapish, cancunapaj huagracunapaj, ovejacunapaj huahuacunatapish imata mana saquishpami tucui chingachingacuna.

JUECES 10:12

Sidonpi causajcuna, amalecitacuna, Maonpi causajcuna llaquichicujpi ñucata mañajpica ¿manachu paicunapaj maquimanta llujshichircani?

JUECES 3:13

Chaimi Moab llajtata jatun mandajca Amón llajtahuan, Amalec llajtahuan tandanacushpa shamushpaca, israelcunata huañuchishpa Palmera yuracuna tiyan pueblota quichurcacuna.

JUECES 6:2

Madianitacuna ashtahuan ashtahuan llaquichijpimi, israelcunaca paicunata manchashcamantaca urcucunapi jutcucunata rurashpa, machi ucucunapipish, pircacunapipish miticunata rurarcacuna.

JUECES 6:33

Madianitacunapish, amalecitacunapish, inti llujshin llajta runacunapish shuj shinalla tandanacushpami, Jordán yacuta ch'imbashpa, Jezreel pugru pambapi carpa huasicunata shayachishpa tiyarircacuna.

JUECES 6:4

Israelcunapaj allpacunapi carpa huasicunata shayachishpami, tandanalla granocunataca Gaza pueblocama tucuita chingachircacuna. Ovejacunatapish, huagracunatapish burrocunatapish tucuitami huañuchircacuna. Israelpica ima micuna illajtami saquirca.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.

JUECES 8:10

Zeba, Zalmuna jatun mandajcunaca, Carcor pambapimi inti llujshin llajtamanta caj 15.000 soldadocunahuan tiyacurcacuna. Paicunapuramanta 120.000 soldadocunata israelcuna huañuchijpimi chaicunalla saquirircacuna.