JUECES 6:21 - Dios Rimashca Shimicunami

²¹ Mandaj Diospaj angelca chai aichatapish, levadura illajlla tandatapish pai charicushca caspi puntahuanmi tuparca. Chaimi chai rumimanta nina llujshishpa aichatapish levadura illajlla tandatapish tucui rupachirca. Chai q'uipaca Mandaj Diospaj angelca Gedeonpaj ñaupajmantaca chingarircallami.

JUECES 6:21 Iomraidhean Croise

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

2 CRÓNICAS 7:1

Salomón chashna mañajpica, jahua pachamantami nina shamurca. Chai ninami Diosman cushca animalcunapaj aichataca tucui rupachirca. Diospaj huasipica, pai Mandaj Diospaj sumaj cashcami jundarca.

1 REYES 18:38

Chaipi Mandaj Diospaj nina shamushpaca Diosman cushpa tucui rupachina aichata, yantata, rumicunata, chai mirga ñutu allpatapishmi tucui chingarijta rupachirca. Altar muyundij yacutapish tucui chaquijtami rupachirca.

1 CRÓNICAS 21:26

Davidca, chaipi Mandaj Diospaj shuj altarta rurashpami, paiman tucui rupachingapaj cunatapish, Mandaj Dioshuan alli cangapaj cunatapish cushpa Mandaj Diosta mañarca. Mandaj Diosca pai mañashcataca tucui rupachingapaj cushca altar jahuaman jahua pachamanta ninata cachashpami cutichirca.

JUECES 13:20

Chai altarpi rupacuj ninaca jahua pachamanmi huichiyarca. Manoapish, paipaj huarmipish altarpi rupacuj ninapi Mandaj Diospaj ángel huichiyajta ricushpami, pambaman tupajta cumurircacuna.

JUECES 6:20

Chaipimi Diospaj angelca: –Aichatapish, levadura illajlla tandatapish japishpa cai jatun rumi jahuapi churashpa, caldotaca chai jahuallapitaj talli– nijpi Gedeonca chashna rurarca.

JUECES 13:19

Chaimi Manoaca, malta chivotapish asha granotapish japishpa, shuj rumi jahuapi Mandaj Diosman cushpa rupachirca. Chaipimi Manoapish paipaj huarmipish ricucujpi angelca shuj milagrota rurarca.

ISAÍAS 38:7

Mandaj Diosca can ima shina canata pai nishcataca cashnami ricuchinga: