JUECES 6:12 - Dios Rimashca Shimicunami

¹² Chaipi Mandaj Diospaj ángel ricurishpaca: –Mandaj Diosca canhuanmari. Canca imata mana manchaj, c'ari c'arimi cangui– nircami.

JUECES 6:12 Iomraidhean Croise

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Lucas 1:11

Inciensota rupachina altar alli ladomanca, Jatun Diospaj shuj angelmi shayacuj ricurirca.

Lucas 1:28

María maipi cashcaman ángel yaicushpaca: –¡Allillachu cangui! Jatun Dios canhuan cashcamanta tucui huarmicunata yalli alli nishcami cangui. Taita Dios cushca allicunata chasquijmari cangui– nircami.

DEUTERONOMIO 20:1

Cancunata p'iñajcunahuan jatun macanacuipi macanacungapaj llujshishpaca, paicunapaj caballocunata, carrocunata, paicunaca cancunata yalli achcacuna cajta ricushpapish ama manchanguichijchu. Cancunata Egiptomanta llujshichimuj Mandaj Dios cancunapaj Taita Diosca cancunahuanmi.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JUECES 11:1

Galaad llajtapi causaj Jefté runaca macanacunata alli yachaj, c'ari c'ari runami carca. Paica huainayashcahuan causaj huarmipaj churimi carca. Paipaj yayaca Galaadmi carca.

JUECES 13:3

Mandaj Diospaj ángel chai huarmiman ricurishpami: “Canca mana huachajmi cangui. Chaimantami shuj huahuallatapish mana charingui. Cunanca chichushpa shuj c'ari huahuatami huachangui.

JUECES 2:18

Mandaj Diosca juezcunata churashpaca maijan jueztami pai churan chaihuanmi carca. Chaimantami chai juez pushacui punllacunapica, israelcunata p'iñajcunapaj maquimantaca quishpichij carca. Paicunata llaquichijcuna llaquichicujpi llaquihuan cashpa aij nishcacunata uyashpami, paicunata llaquina yuyai tucushpa juezta churashpa Mandaj Diosca quishpichirca.

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 6:13

Chaimi Gedeonca: –Aij, ñuca amito. Mandaj Dios ñucanchijhuan cajpica ¿ima nishpataj tucui caicunaca jahuanpi jahuanpi shamun? Ñaupa ñucanchij yayacunaca: Mandaj Diosca pi mana rurai tucushca mancharinacunata rurashpami Egiptomantaca llujshichimurca nishpami parlarcacuna. Cunanca ¿ima nishpashi mana chashna ruran? Ashtahuanpish cunanca madianitacunapaj maquipi churashpamari Mandaj Diosca ñucanchijmanta anchurishca– nircami.

RUT 2:4

Belenmanta Booz paipaj chagraman rishpaca, cozichajcunataca: –Mandaj Dios cancunahuan cachun– nijpi cozichajcunapish: –Mandaj Diosca canhuanpish cachun– nircacuna.

1 SAMUEL 10:7

Ñuca imalla nishcacuna pajtajpica, Diosca canhuan cashcamanta imami cambaj alli, chaitaca ruranguilla.