JUECES 5:7 - Dios Rimashca Shimicunami

⁷ Israelca urmarcamari. Tarpuna allpacunaca shitashcamari saquirirca. Débora huarmi shayaringacamami chashna carca. Israelcunapajca mama shinami shayarircani.

JUECES 5:7 Iomraidhean Croise

2 SAMUEL 20:19

Israel llajtapica, cai pueblomari mana p'iñanacushpa causajcuna canchij. Chashna cashpa tucui israelcunapaj mama shina llajtatamari canca chingachisha nicungui. ¿Ima nishpataj Mandaj Dios cushcataca chingachisha ninguiyari?– nircami.

ESTER 9:19

Chashna quishpirishcamantami, judiocunaca muyundij jatun pirca illajlla pueblocunapi causajcunapish, chai pueblocuna muyundij llajtacunapi causajcunapish yuyarincuna. Paicunaca, Adar shuti quillapaj chunga chuscu punllapimi chaita yuyarishpa, jatun micuita rurashpa cushicurcacuna. Shinallataj c'uchullapi causajcunapurahuanca, caishuj chaishuj convidanacunata cunacushpami cushicuncuna.

ISAÍAS 49:23

Jatun mandajcunami cancunataca huahuata cuidaj shina cuidanga. Jatun mandaj huarmicunami cancunapajca huiñachij mama shina canga. Cambaj ñaupajpi cungurishpami pambaman tupajta cumuringacuna. Cambaj chaquipi caj ñutu allpatami lambingacuna. Chaipimi ñucataca Mandaj Diostaj cashcata yachangui. Ñucapi shunguta churashpa shuyajcunaca, manataj pingai tucungacunachu” ninmi.

Romanos 16:13

Mandaj Jesús agllashca Rufotapish, paipaj mamatapish allillachu canguichij nipaichij. Paica ñucapajpish mama shinami.

JUECES 5:6

Anat runapaj churi Samgar causai punllacunapish, Jael huarmi causai punllacunapish ñancunaca shitashcami saquirirca. Chai ñanta purijcunaca, chaqui ñancunatami rijcuna carca.

JUECES 5:8

Tucuicuna shujtaj dioscunata catishcamantaca. Macanacuica pungullapi shina mana illarcachu. 40.000 israelcunapica ¿shuj escudollatapish, shuj lanzallatapish ricushcanguichijchu?