JUECES 5:6 - Dios Rimashca Shimicunami

⁶ Anat runapaj churi Samgar causai punllacunapish, Jael huarmi causai punllacunapish ñancunaca shitashcami saquirirca. Chai ñanta purijcunaca, chaqui ñancunatami rijcuna carca.

JUECES 5:6 Iomraidhean Croise

2 CRÓNICAS 15:5

Chai huatacunapica pipish mana sumajta causai tucurcachu. Ashtahuanpish tucui cai llajtacunapi causajcunami huasipi cashpapish, ñanpi cashpapish manchaihuan purircacuna.

SALMOS 125:5

Ashtahuanpish Mandaj Diosmanta anchurishpa millaita ruranata catijcunataca, Mandaj Diosmi millaicunallahuantaj cachanga. ¡Israelpica sumaj causai tiyashca cachun!

ISAÍAS 33:8

Rumicunahuan allichishca ñancunaca shitashcamari saquirin. Chai ñanta purijcunapish ña mana purincunachu. Ari ninacushcatamari p'aquishcacuna. Pueblocunatami p'iñarcacuna. Gentecunataca yangapimi churarcacuna.

JEREMÍAS 6:25

Chagracunamanpish ama llujshichijchu, ñancunapipish ama ricurichijchu. P'iñajcunaca manchanana espadahuanmari maipipish chapacuncuna.

LAMENTACIONES 1:4

Sionmanta purina jatun ñancunaca llaquillamari siricun, jatun tandanacuicunata ruranaman pi mana shamunchu. Pueblo pungucunapish pambapi shitashcamari siricun. Paipaj curacunapish aij nincunamari, solteracunapish llaquinayajtamari huacacun. Sióntaca jatun llaquimari japirca.

LAMENTACIONES 4:18

Ñucanchij pueblo ñancunata ama ashtahuan purichunmi, ñucanchijtaca japingacamataj chapashpa catircacuna. Ñucanchijca chaicamalla causana cashcamantami, ñucanchij tucurina punlla pajtashca carca.

LEVÍTICO 26:22

Millai sacha animalcunatapishmi cancunapaj huahuacunata apachun cancunapajman cachasha. Cancunapaj animalcunatapish chingachingami. Chaimanta cancunapaj ñancunapi purijcunaca ashacunallami tucunga.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

JUECES 3:31

Aodpaj q'uipaca, Anatpaj churi Samgarmi israelcunapaj juez tucurca. Paimi filisteocunataca huagracunata tujsina garrochahuan, 600 runacunata huañuchirca. Chashnami paipish israelcuna llaquita apacushcamantaca quishpichirca.

JUECES 5:7

Israelca urmarcamari. Tarpuna allpacunaca shitashcamari saquirirca. Débora huarmi shayaringacamami chashna carca. Israelcunapajca mama shinami shayarircani.