JUECES 5:5 - Dios Rimashca Shimicunami

⁵ Mandaj Diospaj ñaupajpica urcucunapish chujchurcamari. Israelcunata Mandaj Diospaj ñaupajpica, Sinaí urcupish chujchurcamari.

JUECES 5:5 Iomraidhean Croise

SALMOS 104:32

Mandaj Dios allpata ricujpica chujchunmi. Urcucunapi tuparijpica cushninmi.

SALMOS 114:4

Urcucunapish carnerocuna shinami saltarcacuna. Lomacunapish malta ovejacuna shinami saltarcacuna.

SALMOS 68:8

allpaca chujchurcami. Jahua pachamantapish tamyami urmarca. Chai Sinaí urcuca Taita Diospaj ñaupajpica chujchurcami. Taita Diospaj, israelcunapaj Taita Diospaj ñaupajpimi chashna tucurca.

SALMOS 68:9

Taita Dios, achcatami tamyachircangui. Chaquishca quiquinpaj allpatapish nuyuchircanguimi.

SALMOS 97:5

Mandaj Diospaj ñaupajpica, urcucunapish huira shinami yacuyarca. Tucui cai pachata Mandaj Diospaj ñaupajpimari chashna tucurca.

ÉXODO 19:18

Mandaj Dios chai urcu jahuaman nina chaupipi uriyamujpimi tucui chai Sinaí urcu cushnirca. Hornomanta cushni llujshicuj shinami cushni llujshirca. Tucui chai urcuca yallitajmi chujchurca.

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ISAÍAS 63:19

Quiquin ñucanchijtaca nunca mana mandacushca shinamari tucushcanchij. Quiquinpaj shutita nunca mana mañajcuna cashca shinamari tucushcanchij.

NAHUM 1:5

Paipaj ñaupajpica urcucunapish chujchunmi, lomacunapish yacuyanmi. Paita ricushpaca, allpapish chujchunmi. Cai pachapish, paipi causajcunapish tucuicunami mancharincuna.

HABACUC 3:10

Canta ricushpaca urcucunapish mancharcami. Yacu jundaicunapish pasarcami. Manchanana jatun jutcupish caparircami. Mama cucha yacupish, caiman chaimanmi cuyurirca.

Hebreos 12:18

Israelcunaca nina rupacuj, amsa, yallitaj amsa p'uyu, huairandij tamya, tuparipajlla urcullamanpish mana chayarcacunachu. Cancunacarin mana tuparipaj urcumanmi chayashcanguichij.