JUECES 5:4 - Dios Rimashca Shimicunami

⁴ Mandaj Dioslla, Seir urcumanta can llujshijpica, Edom pambamanta can rijpica, allpaca chujchurcami. Jahua pachamantaca yacumi shuturca. Jahua pacha p'uyumantaca tamyarcami.

JUECES 5:4 Iomraidhean Croise

GÉNESIS 32:4

Paicunataca cashna nishpami cacharca: “Ñuca amo Esaumanca cashna ninguichij: Cambajta ruraj Jacobca: Labanhuanmi causarcani. Cunancamami paihuan carcani.

2 SAMUEL 22:8

Pambapish cuyurcami. Allpapish chujchurcami. Jahua pachata aparijcunapish cuyurircami. Pai p'iñarijpica tucuimi cuyurirca.

JOB 9:6

Paica allpataca, maipi tiyacushcamantaca cuyuchinllami. Allpata aparicuj pilarcunatapish chujchuchinllami.

SALMOS 68:9

Taita Dios, achcatami tamyachircangui. Chaquishca quiquinpaj allpatapish nuyuchircanguimi.

SALMOS 77:17

P'uyupish yacu jundashpa tapajtami tamyarca. Jahua pachacunapish c'ulun nircami. Quiquinpaj rayocunapish urmarcami.

SALMOS 77:18

Quiquinpaj rimashcaca jatun acapanapimi c'ulun nishca uyarirca. Quiquinpaj relampacunapish tucui cai pachatami achijyachirca. Allpapish chujchushpami cuyurirca.

ISAÍAS 63:19

Quiquin ñucanchijtaca nunca mana mandacushca shinamari tucushcanchij. Quiquinpaj shutita nunca mana mañajcuna cashca shinamari tucushcanchij.

MIQUEAS 1:4

Cai urcucunaca, pai purijpica yacuyangami. Pugru pambacunapish chaupirishpami, ninapi cera yacuyaj shina, urita callpacuj yacu shina callpanga.

DEUTERONOMIO 33:2

cashna nirca: “Mandaj Diosca Sinaimantami shamurca. Seir urcumantami achijyachirca. Parán urcumantami achij nicuj ricurirca. Huaranga huaranga paipaj jucha illajcunapaj chaupipimi shamurca. Paipaj alli lado maquipica, nina lunyacuj mandashcata apashcami shamurca.

Hebreos 12:26

Chai punllacunapi Dios rimashpaca, pambapish chujchujtami rimarca. Cunancarin Diosca: “Shuj cutinhuan rimashpaca, mana cai pachallatachu chujchuchisha, ashtahuanpish jahua pachandijmi chujchuchisha” nircami.