JUECES 5:23 - Dios Rimashca Shimicunami

²³ Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.

JUECES 5:23 Iomraidhean Croise

NEHEMÍAS 3:5

Pai pircashca c'uchumantaca tecoitacunami pircarcacuna. Paicunata mandajcuna Jatun Diospajta mana rurashun nijpipish paicunaca rurarcallacunami.

SALMOS 94:16

Millaita rurajcuna ñucata llaquichinaman jatarijpica, ñucata mitsanapajca pi mana jatarinchu. Ñucapuraca pi mana tucunchu.

JEREMÍAS 48:10

Mandaj Dios mingashcata mana cushicuihuan ruraj runaca, llaqui tucushca cachun. Paipaj espadahuan mana huañuchigrijpish, llaqui tucushca cachun.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Romanos 15:18

Ñucallamantatajca imata mana rimashachu. Ashtahuanpish Cristo imallata ñucata rurachishcatami rimasha. Mana judiocunata Diosta cazunaman pushangapaj imallata huillashcata, imallata rurashcatami rimasha.

1 Corintios 16:22

Mandaj Jesucristota maijanpish mana c'uyajca, llaquichinapaj cachun. ¡Mandaj Jesusca shamugrinmi!

1 Corintios 3:9

Ñucanchijca, Diospajta paihuan rurajcunami canchij. Cancunaca Diospaj chagrami canguichij, Dios huasichicun huasipishmi canguichij.

2 Corintios 6:1

Ñucanchijca Diospajta paillahuantaj rurajcuna cashpami, Dios mana c'uyaipajta c'uyashcataca, ama yanga chasquishca caichijchu nishpa cunanchij.

JUECES 13:3

Mandaj Diospaj ángel chai huarmiman ricurishpami: “Canca mana huachajmi cangui. Chaimantami shuj huahuallatapish mana charingui. Cunanca chichushpa shuj c'ari huahuatami huachangui.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.

JUECES 21:5

Chaipimi israelcunaca: “Tucui Israel aillucunapuramantaca ¿maijan aillutaj Mandaj Diospaj ñaupajpi tandanacunamanca mana huichiyamurca? nishpa tapunacurcacuna. Paicunaca Mizpa pueblopi Mandaj Diospajman maijanpish mana huichiyamujca huañuchishcami canga” nishpami Diospaj shutipi ninacushca carca.

JUECES 21:8

“Mandaj Diospaj ñaupajpi Mizpa pueblopi tandanacui punllaca, ñucanchij Israel aillupuramanta ¿maijan mana shamuj tiyanchu imashi?” nishpami tapunacurcacuna. Chaimi Jabes-galaad pueblopi causajcuna chai tandanacuiman shujllapish mana shamushcata yuyarircacuna.

JUECES 4:6

Chai Débora huarmimi, Cedespi causaj Neftalí aillupuramanta caj Abinoampaj churi Baracta cayanaman cachashpa cashna nirca: –Israelcunata Mandaj Diosca cantaca ¿manachu cashna mandarca?: Tabor urcuman rishpa cambaj gentecunata tandachi. Paicunataca Neftalipaj, Zabulonpaj aillucunamanta, 10.000 gentecunata canhuan cachun tandachi.

JUECES 5:13

Tucui alli nishcacunapish rircacunami. Mandaj Diospaj israelcunaca Mandaj Diosmanta jatun tucushcacunahuan macanacungapajmi rirca.

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 8:5

Sucot pueblopi causajcunataca Gedeonca: –Ñucami madianitacunata mandaj Zeba, Zalmuna jatun mandajcunata llaquichingapaj caticuni. Ñucahuan shamujcunami achca shaicushca, paicunaman asha micunata carapaichij– nircami.

JUECES 8:6

Sucot pueblota mandajcunaca: –Cambaj soldadocunaman micunata carangapajca Zeba, Zalmuna jatun mandajcunataca ¿ñachari cambaj maquipi charicungui?– nircacunami.

JUECES 8:8

Chaimanta rishpaca Gedeonca, Peniel puebloman huichiyashpapish micunata carahuaichij nishpami mañarca. Chai pueblopi causajcunapish Sucotpi causajcuna shinallatajmi rimashpa mana cararcacuna.

1 SAMUEL 17:47

Caipi tucui tandanacushcapish Mandaj Diosca mana espadahuan, mana lanzahuan quishpichij cashcatami yachangacuna. Cai macanacuica Mandaj Diospajmi. Paimi cancunataca ñucanchij maquipi churanga– nirca.

1 SAMUEL 18:17

Chaimi Saulca Davidtaca: –Canmanca ñuca punta ushushi Merabtami cambaj huarmi cachun cusha. Ashtahuanca Mandaj Diospaj macanacuipi c'ari c'ari macanacunguilla– nirca. Saulca Davidtaca ñuca maquihuanca mana huañuchishachu, ashtahuanpish filisteocuna huañuchichun yuyashpami chashna nirca.

1 SAMUEL 25:28

Cambajta ruraj ñuca p'iñachishcacunata perdonapai. Can ñuca amoca Mandaj Dios mandajllapimi macanacungui. Tucui cambaj causaipi ima llaqui mana tiyangachu. Can ñuca amopaj tucui huasi familiaca huahua huahua huiñai huiñaita sinchi caticuchunlla.

1 SAMUEL 26:19

Jatun mandaj ñuca amito, cunanca cambajta ruraj ñuca rimashcata uyachunmi rogani. Mandaj Diosllataj can jatun mandajta ñucata llaquichichun chashna rurachicujpica, ñuca cushca ofrendata chasquishpa ñucata perdonachun. Runacunalla chashna rurachicushca cashpaca, paicunaca Mandaj Diospaj ñaupajpica, mana alli nishcacuna cachun. Chashna rurashpaca paicunaca Mandaj Diospajta ñuca japina cashcamantami caruyachishpa, shujtajcunapaj dioscunapajta rurai nicuj shina ruracuncuna.