JUECES 5:22 - Dios Rimashca Shimicunami

²² Caballocunapish sillucuna t'alaj t'alajmi callparcacuna. C'ari c'ari soldadocuna tiyarishpa rijpimi, chashna uyarirca.

JUECES 5:22 Iomraidhean Croise

JOB 39:19

¿Canchu caballomanca fuerzataca curcangui? ¿Canchu paipaj cungapi tiyaj millmataca churarcangui?

SALMOS 20:7

Shujtajcunaca carrocunallapimi shunguta churan. Caishujcunaca caballocunallapimi shunguta churan. Ashtahuanpish ñucanchijca, ñucanchij Mandaj Diospimi shunguta churanchij. Pai yuyaillami canchij.

SALMOS 33:17

Caballocunaca mana quishpichinchu. Yallitaj fuerzayuj caballocunapish mana quishpichi tucunchu.

ISAÍAS 5:28

Paicunapaj puntajlla caspicunapish ashtahuan puntajllata rurashcami canga. Paicunapaj arcocunapish shitanajllami canga. Paicunapaj caballocunapaj sillucunapish, yacu rumi shinami canga. Paicunapaj carrocunapaj ruedacunapish, acapana shinami callpanga.

JEREMÍAS 47:3

Caballocunami culun nishpa callpamunga, carretacunapish ruedacuna t'alaj nishpa huajiashpami shamunga. Chaita uyashpaca yayacunapish, huahuacunata shitashpami callpangacuna. Maquicuna chujchushpa imata mana rurai tucungacunachu.

JEREMÍAS 47:4

Filisteocunata tucuchina punlla chayamungami, paicunata ayudacuj Tiro shuti, Sidón shuti pueblocunapish tucuringami” ninmi. Mama cucha chaupipi caj Caftor llajtamanta chaupirishpa shamushca filisteocunataca, Mandaj Diosmari tucuchinga.

JEREMÍAS 8:16

P'iñajcunaca ñamari shamuncuna. Paicunapaj caballocunaca ñamari p'ucurishpa Dan llajtata shamucun. Chai caballocunaca allpa chujchujtamari huacarishpa callpamuncuna. Paicuna chayamushpaca allpapi tucui imalla tiyajtami tucuchicun. Tucui pueblocunatapish, chaicunapi causajcunatapishmi tucuchicun.

EZEQUIEL 27:14

Togarma llajtapi causajcunapish cambaj c'atuna plazacunapica caballocunahuan, macanacuicunapi alli callpaj caballocunahuan, machocunahuan randinaman shamurcacuna.

MIQUEAS 4:13

Siónpi causajcunalla, millaita rurajcunataca jatarishpa trillaichigari. Cancunataca fierro gachuta shinapish, bronce sillucunata shinapishmi rurasha. Chaicunahuanmi achca runacunata mirga mirgata ruranguichij. Chaimantaca paicuna imalla quichushcacunatapish, imalla charishcacunatapishmi tucui cai pachata Mandaj Jatun Diosman cunguichij.