JUECES 5:21 - Dios Rimashca Shimicunami

²¹ Cisón jatun yacu, ñaupamanta tiyaj yacu. P'iñajcunataca p'ichajtami aparcangui. Ñuca almalla ama manchashpa rishun.

JUECES 5:21 Iomraidhean Croise

GÉNESIS 49:18

Mandaj Dioslla, can quishpichinallatami shuyashpa catini.

1 REYES 18:40

Chaipimi Eliasca: –¡Baalpaj profetacunataca shujllapish ama miticushpa richun tucuicunata japichij!– nijpi paicunataca japircacuna. Ña japijpica Eliasca, Cisón shuti yacu huaicuman apashpami, chai profetacunataca cungata p'itirca.

SALMOS 44:5

Quiquinhuanmi ñucanchijta p'iñajcunataca chaspishpa shitashun. Quiquinpaj shutipimi, ñucanchijta p'iñajcunataca sarushun.

ÉXODO 15:2

Mandaj Diosca ñuca fuerzami. Mandaj Diosca ñuca cantanami. Mandaj Diosca ñuca quishpirinami. Chaimi ñuca Diosca, paitami ñucaca alabacuni. Paica ñuca yayapaj Diosmi, paitami jatunyachini.

ISAÍAS 25:10

Mandaj Diospaj maquica cai urcupimi samaringa. Ashtahuanpish Moabitacunataca quiquin llajtallapitajmi sarunga. Animalcunapaj cacata shitanapi ujshata saruj shinami sarunga.

MIQUEAS 7:10

Chashna rurashcataca, ñucata p'iñajpish ricungami. Chaita ricushpaca, pingaringami. Paica ñucata llaquichicui punllapica: “¿Maipitagari canta Mandaj Taita Diosca?” nircami. Ashtahuanpish cunanca paitarajmi ñancunapi sirij lodota shina sarushpa llaquichicujta ricusha.

JUECES 4:13

Chaimantami Sísara runaca tucui paipaj carrocunata tandachirca. Paica 900 fierro carrocunandij, tucui paipaj soldadocunandijmi tandachirca. Chashna tandachishpami Haroset-goimmantaca Cisón jatun yacucama rirca.

JUECES 4:7

Ñucaca jatun mandaj Jabinpaj soldadocunata mandaj Sisaratami Cisón jatun yacuman paipaj carrocunandij, soldadocunandij cambajman shamuchun yuyaita cugrini. Chaipimi paicunataca cambaj maquipimi churasha nishpa Mandaj Diosca ¿manachu nirca?– nircami.