JUECES 5:18 - Dios Rimashca Shimicunami

¹⁸ Zabulonpaj ailluca huañungapajpish rircallami. Neftalipaj aillupish jatun urcucunaman rircallami.

JUECES 5:18 Iomraidhean Croise

GÉNESIS 35:23

Leahuan charishca churicunaca caicunami: Punta churica Rubén. Q'uipa churica Simeón, Leví, Judá, Isacar, Zabulón shutimi carcacuna.

GÉNESIS 35:25

Raquelpajta ruraj Bilhahuan charishca churicunaca Dan, Neftalí shutimi carcacuna.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

SALMOS 68:27

Q'uipa huiñai Benjaminmi chaipi carca. Paica paicunata mandajmi carca. Judata mandajcunaca paicunapaj tandanacuipimi carca. Zabulonta mandajcunapish paicunapaj tandanacuipimi carca. Neftalita mandajcunapish paicunapaj tandanacuipimi carca.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

JUECES 4:10

Barac runaca Cedespi Zabulonpaj, Neftalipaj aillucunamanta, 10.000 runacunata tandachishpami, macanacuiman huichiyarca. Débora huarmipish paihuanmi huichiyarca.

JUECES 4:14

Débora huarmica Baractaca: –Jatari, cai punllami Mandaj Diosca Sisarataca, cambaj maquipi churashca. Mandaj Diosca cambaj soldadocunata ñaupashcami rigrin– nijpimi Baracca, pai tandachishca 10.000 soldadocunata ñaupashca Tabor urcumanta uriyarca.

JUECES 4:6

Chai Débora huarmimi, Cedespi causaj Neftalí aillupuramanta caj Abinoampaj churi Baracta cayanaman cachashpa cashna nirca: –Israelcunata Mandaj Diosca cantaca ¿manachu cashna mandarca?: Tabor urcuman rishpa cambaj gentecunata tandachi. Paicunataca Neftalipaj, Zabulonpaj aillucunamanta, 10.000 gentecunata canhuan cachun tandachi.

JUECES 6:35

Manasespaj aillumanpish huillajcunata huillachun cachajpimi, paicunapish Gedeonhuan tandanacurcacuna. Aserpaj, Zabulonpaj, Neftalipaj aillumanpish huillajcunata huillachun cachajpimi, paicunapish Gedeonhuan tandanacungapaj llujshircacuna.