JUECES 5:11 - Dios Rimashca Shimicunami

¹¹ Arcoyujcuna bullacushca chingarishcataca, animalcunaman yacuta ubyachina pugyucunapi huillaichij. Chaitaca Mandaj Dios mishachijpi mishashcata cutin cutin huillaichij. Israelcuna mishashcataca tucui uchilla pueblocunapipish huillaichij. Chaimi Mandaj Diospaj israelcunaca paipaj huasi punguman shamungacuna.

JUECES 5:11 Iomraidhean Croise

GÉNESIS 24:11

Ña chishiyacuitami puebloman yaicunllapi caj pugyu c'uchupi, camellocunata cungurichishpa samachicurca. Chaica chai pueblopi causaj solteracuna yacuta huishinaman rina horasmi carca.

GÉNESIS 29:2

Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca.

GÉNESIS 29:3

Michijcunaca tucui canlla ovejacunata ña tandachishpami, pugyuta tapachishca rumita anchuchishpa ovejacunaman yacuta ubyachijcuna carca. Chai pugyutaca rumihuan cutinllataj tapachishpami saquijcuna carca.

JOB 29:7

Ima rurashcacunata ricungapaj pueblo punguman llujshishpapish, plazapimi ñucapajca jatun tiyarinata allichij carcani.

SALMOS 145:7

Quiquinca jatun c'uyaj cashcatami yuyachinacunga. Quiquinpaj cashcata ruranamantami cantangacuna.

SALMOS 71:15

Ñuca shimica quiquin cashcata rurashcatami huillanga. Quiquin rurashcacuna mashna cashcatapish mana yachanichu. Shina cashpapish quishpichinapaj quiquin rurashcacunataca tucui punllami huillacushalla.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 28:6

Mandanapi tiyarijpajca paica cashcata ruraj espiritumi canga. Ama shuhuachun pungupi chapajcunapajca fuerzami canga.

JEREMÍAS 7:2

“Ñuca Mandaj Diospaj huasi pungupi shayarishpa, cashna nishpa cai shimicunata huillagri: Judá llajtapi causajcuna, cancunaca tucuicunami cai punguta yaicushpa, Mandaj Diostaca adoranguichij. Cunanca pai Mandaj Dios ima nishcata uyaichigari.

LAMENTACIONES 5:4

Ñucanchij yacullatatajpish, cullqui jahuamari ubyanchij. Ñucanchij yantallatatajmari randinchij.

LAMENTACIONES 5:9

Ñucanchij micunata apamunaman llujshirishpapish, shitashca pambacunapi chapashpa huañuchijcuna japishpa espadahuan huañuchina manchaimi purij carcanchij.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

DEUTERONOMIO 22:24

Chashna rurajcunataca, ishquitatajmi pueblo punguman llujshichishpa rumicunahuan shitashpa huañuchina canguichij. Chai huarmitaca pueblollapitaj cashca jahua mana caparirishcamanta, c'aritaca shujtajhuan ari ninacushca huarmita pingachishcamantami huañuchina canguichij. Chashnami israelcunapuramanta millaita anchuchinguichij.

DEUTERONOMIO 33:21

Gadca ashtahuan alli allpacunatami agllarca. Mandajpaj huaquichishca sumaj allpatami japirca. Paimi tucuicunapaj ñaupajpi shamurca. Paica israelcunaman Mandaj Dios cushca mandashcacunata, cashcata rurashpa pajtachinguitaj nishcacunatami pajtachirca” nircami.

JUECES 11:40

Israelpi causaj solteracunaca Galaadpi causaj Jeftepaj ushushi huañushcata yuyarishpami huatanta chuscu punllata huacanaman rijcuna cashca.

JUECES 5:8

Tucuicuna shujtaj dioscunata catishcamantaca. Macanacuica pungullapi shina mana illarcachu. 40.000 israelcunapica ¿shuj escudollatapish, shuj lanzallatapish ricushcanguichijchu?

1 SAMUEL 12:7

Cunanca cancunatapish, cancunapaj ñaupa yayacunatapish Mandaj Dios quishpichingapaj tucui imalla rurashcata Mandaj Diospaj ñaupajpi cancunata yuyachishpami sinchita rimasha nini.