JUECES 4:9 - Dios Rimashca Shimicunami

⁹ Shina nijpi Débora huarmica: –Shinashpaca, ñucapish canhuan risha. Cai macanacuipica, Sisarataca shuj huarmipaj maquipimi Mandaj Diosca churanga. Chaimanta chai macanacuita mishashcamantaca mana canchu alli nishca saquiringui– nijpimi, Débora huarmica jatarishcahuan Barac runahuan Cedesman rirca.

JUECES 4:9 Iomraidhean Croise

2 CRÓNICAS 26:18

Paicunami jatun mandaj Uziastaca, p'iñarishpataj cashna nircacuna: “Uzías, Mandaj Diosman inciensota cushpa rupachinaca mana cambaj ruranachu. Aaronpaj huahua huahua curacunallami caitaca rurai tucun. Paicunaca caita ruranapajtaj Diospajlla ch'icanyachishca cashpallami, caitaca rurancuna. Diospajlla ucumanta llujshi. ¿Ima nishpataj chashna mana allita rurashpaca, canta Mandaj Diosta p'iñachinaman shamunguiyari? Chashna rurashcamantaca, Diosca mana alli ningachu” nircacunami.

JUECES 2:14

Chaimantami Mandaj Diosca israelcunahuanca nina sindirij shina p'iñarishpa, shuhuacuna shamushpa tucui imalla charishcacunata quichuchun shuhuacunapaj maquipi churarca. Chai muyundij llajtacunapi causaj paicunata p'iñajcunapaj maquipipish churajpimi, paicunata p'iñajcunahuanca mana ch'imbapura shayari tucurcacuna.

JUECES 4:8

Chaimi Baracpish: –Can ñucahuan rijpica, ñucapish rishami. Can mana ñucahuan rijpica, ñucapish mana rishachu– nirca.

JUECES 9:53

Chaipimi shuj huarmica molino rumi chaupirishca rumita shitajpi Abimelecpaj umapi urmashpa paipaj uma tulluta p'aquirca.

JUECES 9:54

Chaimi Abimelecca paipaj escudota apaj runata utca cayashpaca: “Abimelectaca shuj huarmimi huañuchishca nishpa ama nichun, cambaj espadata surcushpa ñucata huañuchi” nijpimi paipaj escudota apaj runaca espadahuan satijpi Abimelecca huañurca.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.