JUECES 4:7 - Dios Rimashca Shimicunami

⁷ Ñucaca jatun mandaj Jabinpaj soldadocunata mandaj Sisaratami Cisón jatun yacuman paipaj carrocunandij, soldadocunandij cambajman shamuchun yuyaita cugrini. Chaipimi paicunataca cambaj maquipimi churasha nishpa Mandaj Diosca ¿manachu nirca?– nircami.

JUECES 4:7 Iomraidhean Croise

1 REYES 18:40

Chaipimi Eliasca: –¡Baalpaj profetacunataca shujllapish ama miticushpa richun tucuicunata japichij!– nijpi paicunataca japircacuna. Ña japijpica Eliasca, Cisón shuti yacu huaicuman apashpami, chai profetacunataca cungata p'itirca.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 21:13

Maijanpish mana huañuchina yuyaihuan cajpish, Dios paipaj maquipi churajpi huañuchingachari. Pai maipi miticugrinataca ñucami ricuchisha.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

JOSUÉ 11:6

Chashna tandanacujpimi Mandaj Diosca Josuetaca: “Ama manchaichu. Caya cai horasllataj paicunataca, ñuca cancunapaj maquipi churajpi tucuicunatami huañuchicunguichij. Caballocunatapish chaquicunata p'itishpa, macanacuna carrocunatapish tucuitami rupachicunguichij” nirca.

JOSUÉ 8:7

Chai pueblomanta paicuna ña caruyajpica, cancunaca miticushcamanta llujshishcahuan chai pueblota llaquichingapaj yaicunguichijlla. Mandaj Diosca chai pueblotaca cancunapaj maquipimi churanga.

JUECES 4:14

Débora huarmica Baractaca: –Jatari, cai punllami Mandaj Diosca Sisarataca, cambaj maquipi churashca. Mandaj Diosca cambaj soldadocunata ñaupashcami rigrin– nijpimi Baracca, pai tandachishca 10.000 soldadocunata ñaupashca Tabor urcumanta uriyarca.

JUECES 4:8

Chaimi Baracpish: –Can ñucahuan rijpica, ñucapish rishami. Can mana ñucahuan rijpica, ñucapish mana rishachu– nirca.

JUECES 5:21

Cisón jatun yacu, ñaupamanta tiyaj yacu. P'iñajcunataca p'ichajtami aparcangui. Ñuca almalla ama manchashpa rishun.

1 SAMUEL 24:10

Riqui, cunan cai jutcupi Mandaj Dios canta ñuca maquipi churashcataca cambaj ñahuihuantajmi ricungui. Cantaca huañuchichun nircacunami. Ashtahuanpish ñucaca canta perdonashpami: Ñuca amotaca ñuca maquihuanca mana imata rurashachu. Paica Mandaj Dios churashca jatun mandajmi nircani.

1 SAMUEL 24:18

Mandaj Dios cambaj maquipi ñucata churajpipish, ñucata mana huañuchishpami, ñucahuan alli cashcata ricuchishcangui.