JUECES 4:3 - Dios Rimashca Shimicunami

³ Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.

JUECES 4:3 Iomraidhean Croise

SALMOS 106:42

Paicunata p'iñajcunami paicunataca llaquichircacuna. Paicunapaj maquipimi llaquichishca causarcacuna.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 78:34

Chashna huañuchijpimi Taita Diostaca mashcarcacuna. Chaimi paitaca mana samashpalla mashcarcacuna.

ÉXODO 2:23

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

DEUTERONOMIO 28:29

Ñahui mana ricuj tantiacuj shinami chaupi punllapi amsapi shina tantianguichij. Cancuna imata rurashcapish mana alli llujshingachu. Ashtahuanpish tucui punllacuna shujtajcuna llaquichishca, shuhuashcallami canguichij. Cancunata quishpichijca pi mana tiyangachu.

DEUTERONOMIO 28:33

Cancunapaj allpapi p'ucushcacunatapish, ima shujtajcunata cancuna trabajashcacunatapish cancuna mana rijsishcacunami micungacuna. Ashtahuanpish cancunaca punllanta p'iñashca llaquichishcallami canguichij.

JOSUÉ 17:16

Josepaj huahuacunaca: –Chai urcupish ñucanchijpajca mana pajtangachu. Chai pambajlla llajtacunapi causaj tucui cananeocunapish fierro carrocunatami charin. Bet-seán muyundij llajtacunapi causajcunapish Jezreel pugru pambapi causajcunapish chashnallatajmi charin– nircacunami.

JUECES 1:19

Judapaj ailluca, Mandaj Dios paicunahuan cajpimi, urcucunapi causajcunataca llujshichishpa cacharcacuna. Ashtahuanpish pambacunapi causajcunaca, fierro carrocunata charijcuna cajpimi paicunataca mana llujshichishpa cachai tucurcacuna.

JUECES 10:10

Chaimi israelcunaca Mandaj Diostaca: “Ñucanchijmi, can ñucanchij Diosta saquishpa, baal dioscunapajllata rurashpa can Diosta p'iñachishpa juchallishcanchij” nishpami caparishpa mañarcacuna.

JUECES 10:16

Israelcunaca paicunapaj chaupimanta shujtajcunapaj dioscunata tucuita anchuchishpami, Mandaj Diospajllata rurarcacuna. Mandaj Diospish israelcuna ashtahuan llaquita apacuchunllaca ña mana ashtahuan saquircachu.

JUECES 3:15

Chaipi llaquita apacushpami, israelcunaca Mandaj Diosta caparishpa mañarcacuna. Mandaj Diosca paicunata llujshichichunca Benjamín aillumanta Gerapaj churi Aodtami agllarca. Aodca lluquimi carca. Israelcunaca Moab llajtata jatun mandaj Eglonman convidanata cugrichunmi Aodta cacharcacuna.

JUECES 3:9

Chaipi llaquita apacushpami, israelcunaca Mandaj Diosta caparishpa mañarcacuna. Chaimi Mandaj Diosca paicunata llujshichichunca shuj pushajta churashpa chai llaquimanta llujshichirca. Chai runaca Calebpaj q'uipa huauqui Cenazpaj churi Otonielmi carca.

JUECES 4:13

Chaimantami Sísara runaca tucui paipaj carrocunata tandachirca. Paica 900 fierro carrocunandij, tucui paipaj soldadocunandijmi tandachirca. Chashna tandachishpami Haroset-goimmantaca Cisón jatun yacucama rirca.

JUECES 4:4

Chai huatacunapica israelcunataca, Débora profeta huarmimi mandacurca. Paica Lapidot runapaj huarmimi carca.

JUECES 5:8

Tucuicuna shujtaj dioscunata catishcamantaca. Macanacuica pungullapi shina mana illarcachu. 40.000 israelcunapica ¿shuj escudollatapish, shuj lanzallatapish ricushcanguichijchu?

JUECES 6:6

Madianitacuna chashna llaquichijpimi, israelcunaca ima charinacunapish illaj saquirircacuna. Israelcunaca Mandaj Diostami caparishpa mañarcacuna.

1 SAMUEL 7:8

Samueltaca: “Ñucanchijta filisteocunapaj maquimanta huaquichichun, ñucanchijmanta Mandaj Diosta mañanataca ama shaicushpa mañacuilla” nircacuna.