JUECES 4:21 - Dios Rimashca Shimicunami

²¹ Sísara runaca shaicushca yallitaj dorminaihuan cashpami huañuita dormirca. Chaimi Heberpaj huarmi Jaelca carpa huasita charichina ishtacatapish, tacana mazotapish japishpa, Sisarapajman upajlla c'uchuyashpaca, rinrin jahuanijllapi sinchita tacashpa chai ishtacataca pambacama yaicuchirca. Chashnami Sísara runaca huañurca.

JUECES 4:21 Iomraidhean Croise

SALMOS 3:7

¡Mandaj Dios, jatarihuayari! ¡Ñuca Dioslla, quishpichihuayari! canmi ñucata p'iñajcunataca quijaduspi chugrichircangui. Millaicunapaj quirucunatapish canmi p'aquircangui.

1 Corintios 1:19

Cashnami quillcashca tiyacun: “Yachaisapacunapaj yachaitaca chingachishami. Yuyaisapacunapaj yuyaitaca muspachishami” ninmi.

1 Corintios 1:27

Yachaisapacunata pingachingapajmi, cai pachapaj cajcuna imata mana yachajmi nishcacunataraj Diosca agllarca. Sinchicunata pingachingapajmi, cai pachapaj cajcuna irquimi nishcacunataraj Diosca agllarca.

JUECES 15:15

Chaimantami manaraj alli chaquishca burro jashlin tulluta chai pambapi ricushpaca, chaita japishpa huaranga filisteocunata huañuchirca.

JUECES 3:21

Pai jatarijpica Aodca, alli lado changamanta lluqui maquihuan espadata surcushcahuanmi Eglonpaj huijsapi satirca.

JUECES 3:31

Aodpaj q'uipaca, Anatpaj churi Samgarmi israelcunapaj juez tucurca. Paimi filisteocunataca huagracunata tujsina garrochahuan, 600 runacunata huañuchirca. Chashnami paipish israelcuna llaquita apacushcamantaca quishpichirca.

JUECES 4:20

Chaipimi Sísara runaca, Jael huarmitaca: –Carpa huasi pungullapi shuyai. Maijan shamushpa: Pi caipichu nishpa canta tapujpica: Mana pi caipichu ningui– nirca.

JUECES 4:22

Sísara runata Barac catishpa ricujpimi, Jael huarmi tupanaman llujshishpaca: –Can mashcacushca runata shamui ricuchisha– nirca. Barac runa chai huarmipaj huasiman yaicushpaca Sisarataca, rinrin jahuanijpi ishtacata satishca, huañushca siricujtami ricurca.

JUECES 4:9

Shina nijpi Débora huarmica: –Shinashpaca, ñucapish canhuan risha. Cai macanacuipica, Sisarataca shuj huarmipaj maquipimi Mandaj Diosca churanga. Chaimanta chai macanacuita mishashcamantaca mana canchu alli nishca saquiringui– nijpimi, Débora huarmica jatarishcahuan Barac runahuan Cedesman rirca.

1 SAMUEL 17:43

Chaimi filisteoca Davidtaca: –¿Ñucaca allcuchari caniyari. Can ñucapajman caspicunahuan shamunapajca?– nishpami Davidtaca ñuca dioscuna llaquichishca cachun nirca.