JUECES 4:19 - Dios Rimashca Shimicunami

¹⁹ Chaipimi Sísara runaca: –Ñucami yacunaihuan cani, asha yacuta ubyachihuai– nishpa rogajpi, Jael huarmica lechehuan caj capachuta pascashpa ubyachun curca. Ña ubyajpica cutinllataj linsohuan pilluchircallami.

JUECES 4:19 Iomraidhean Croise

GÉNESIS 24:43

cai pugyu c'uchullapi ñuca shayacujpi maijan solterata cai pugyumanta yacuta apanaman pushamupai. Paitaca ñucaca: Riqui asha yacuta ñuca ubyangapaj cambaj puñumanta cuhuai nishami.

1 REYES 17:10

Shina nijpi Eliasca jatarishcahuanmi Sarepta puebloman rirca. Chai pueblo punguman ña chayashpaca, shuj viuda huarmi yantata tandacujta ricushpa, chai huarmita cayashpami paica: –Ñuca ubyangapaj shuj vasopi asha yacuta convidahuai– nirca.

ISAÍAS 41:17

Llaquihuan cajcunapish, ima illajlla cajcunapish yacutami mashcancuna. Ashtahuanpish mana japincunachu. Paicunapaj c'alluca yacunaihuan chaquishcami. Mandaj Dios ñucami paicuna mañashcataca uyasha. Israelcunapaj Dios ñucaca paicunataca mana saquishachu.

Juan 4:7

Chaimanca, Samariamanta shuj huarmimi yacuta huishinaman chayarca. Paitami Jesusca: –P'ichilla yacuta ubyangapaj cuhuai– nirca.

JUECES 4:18

Jael huarmi Sisarata tupanaman llujshishpaca: –Ñuca amito, ama manchashpa ñuca huasiman shamupailla– nircami. Paipaj carpa huasiman yaicujpica, Jael huarmica shuj jatun linsohuanmi pilluchishpa churarca.

JUECES 4:20

Chaipimi Sísara runaca, Jael huarmitaca: –Carpa huasi pungullapi shuyai. Maijan shamushpa: Pi caipichu nishpa canta tapujpica: Mana pi caipichu ningui– nirca.

JUECES 5:24

Tucui huarmicunapurapica Jael huarmica alli nishca cachun. Paica Ceneocunapura Heberpaj huarmimi. Carpa huasipi caj tucui huarmicunapurapipish Jael huarmica alli nishca cachun.