JUECES 4:16 - Dios Rimashca Shimicunami

¹⁶ Barac runaca, Sisarapaj soldadocunataca, carrocunandij, soldadocunandijmi, Haroset-goimcama catishpa tucuchirca. Chai punllaca Sisarapaj soldadocunaca shujllapish mana saquirishpami espadapi tucuicuna huañurcacuna.

JUECES 4:16 Iomraidhean Croise

SALMOS 104:35

Juchayujcunataca cai pachamanta chingachishca cachun. Diosta mana rijsijcunaca tucui illashca cachun. ¡Ñuca almalla, Mandaj Diosta allimari cangui niyari! ¡Paitamari alabani!

SALMOS 83:10

Paicunaca Endor pueblopimi chingarircacuna. Allpapaj majada tucushpamari saquirircacuna.

SALMOS 83:9

Paicunataca madianitacunata shina, Sísara runata shina rurayari. Cisón yacu huaicupi Jabinta rurashca shina rurayari.

ÉXODO 14:28

Chai cucha ñaupaman cashca shinallataj tucujpica, faraonpaj carrocunapish, caballopi tiyarishca soldadocunapish, tucui soldadocunami israelcunata caticujcunaca chai cuchapi millpurishpa shujllapish mana saquirircacuna.

ISAÍAS 43:17

Carrota, caballocunata, soldadocunata, alli macanacujcunata llujshimujca tucui chaicunandijmi manataj jatarinapaj urmarca. Mecha huañuj shinami chingarircacuna.

Romanos 2:12

Mandashcata mana charishcamanta tucui juchallijcunaca, Mandashcapi nishca shina ricuchishpa mana llaquichishca cashpapish chingaringacunami. Shinallataj Mandashcata charishpapish juchallijcunaca, Mandashcapi nishca shinallatajmi ricuchishpa llaquichishca cangacuna.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

JOSUÉ 10:10

Chai runacunataca Mandaj Diosca, israelcunata jatunta manchana yuyaitami churarca. Gabaonpi causajcunahuan macanacushun nicujcunataca Josueca achcacunatami huañuchirca. Bet-horón puebloman huichi rina ñanta, Azeca shuti, Maceda shuti pueblocunacama catishpami ashtahuan huañuchircacuna.

JOSUÉ 11:8

Mandaj Dios israelcunapaj maquipi churajpimi, israelcunaca paicunata huañuchishpa, maijancunataca Sidón jatun pueblocama, Misrefot-maim pueblocama, inti llujshin ladoman caj Mizpa pugru pambacama catishpa shujllatapish mana saquishpa tucuicunata huañuchircacuna.

JUECES 4:17

Sísara runaca chaquillahuan miticushpa rishpaca, ceneopuramanta caj Heberpaj huarmi Jaelpaj carpa huasipimi miticugrirca. Hazor pueblota jatun mandaj Jabinhuan ceneopuramanta caj Heber runapaj huasi ucupurahuanca mana p'iñanacushcacunachu carca. Chaimantami chaipi miticugrirca.

JUECES 4:2

Chaimantami Mandaj Diosca, Canaán llajtata jatun mandaj Jabinpaj maquipi churarca. Pai mandashpa tiyanaca Hazor pueblopimi carca. Paipaj soldadocunata mandajca Sísara runami carca. Paica Haroset-goim pueblopimi causarca.