JUECES 4:15 - Dios Rimashca Shimicunami

¹⁵ Ña macanacungapaj shayarijpica, carropi caj soldadocunatapish, caishuj soldadocunatapishmi Baracpaj espadata manchana yuyaita Mandaj Diosca curca. Chaimi Sísara runaca paipaj carromanta uriyashcahuan chaquillahuan miticunaman callparca.

JUECES 4:15 Iomraidhean Croise

2 REYES 7:6

Mandaj Diosmi sirio soldadocunapaj rinrinpica macanacuna carretacunapi, caballocunapi huaranga huaranga soldadocuna shamujta uyachishca carca. Chaimi chai soldadocunaca: “Israelcunata jatun mandajca, heteocunata jatun mandajcunamanpish, Egiptota jatun mandajcunamanpish cullquita cushpamari, ñucanchijhuan macanacuchun pushamushca yuyachin” ninacurcacuna.

DEUTERONOMIO 7:23

Mandaj Dios cancunapaj Taita Diosmi paicunataca cancunapaj maquipi churanga. Paicunataca tucui chingaringacamami jatunta muspachinga.

Hebreos 11:32

¿Imatataj ashtahuanca nishari? Gedeonmanta, Baracmanta, Sansonmanta, Jeftemanta, Davidmanta, Samuelmanta, profetacunamantapish rimangapajca manamari pajtarinichu.

JOSUÉ 10:10

Chai runacunataca Mandaj Diosca, israelcunata jatunta manchana yuyaitami churarca. Gabaonpi causajcunahuan macanacushun nicujcunataca Josueca achcacunatami huañuchirca. Bet-horón puebloman huichi rina ñanta, Azeca shuti, Maceda shuti pueblocunacama catishpami ashtahuan huañuchircacuna.

1 SAMUEL 7:10

Mandaj Diosman tucuita cushpa Samuel rupachicujpirajmi, filisteocunaca israelcunahuan macanacungapaj chayarcacuna. Ashtahuanpish Mandaj Diosca chai punllaca filisteocunapaj jahuapi yallitaj c'ulun nichishpa paicunata yallitaj manchachijpimi, filisteocunaca israelcuna mishashca saquirirca.