JUECES 4:12 - Dios Rimashca Shimicunami

¹² Abinoampaj churi Barac runa macanacungapaj Tabor urcuman llujshishcatami, Sisaraman huillanaman chayamurca.

JUECES 4:12 Iomraidhean Croise

SALMOS 89:12

Janaj ladotapish ura ladotapish quiquinmari rurarcangui. Tabor urcupish, Hermón urcupish quiquinpaj shutipimari cantangacuna.

SALMOS 89:13

Tucuita rurai tucuj rigraca quiquinpajmari. Quiquinpaj maquica tucui rurai tucujmari. Quiquinpaj alli lado maquica tucuicuna jatunyachishcamari.

JEREMÍAS 46:18

Tucuita Mandaj shuti Jatun Mandajca cashnami nin: Ñuca causaj Diostajmi cashna nini: Tucui urcucunata yalli jatun Tabor urcu shina jatunmi shamunga. Mama cucha uripi ricurij Carmelo urcu shina jatunmi chayamunga.

OSEAS 5:1

Curacuna, caita uyaichij. Israelcuna, alli uyaichij. Mandana huasipi causaj mandajcuna uyaichij. Mizpa pueblopica, lazyana angu shinami carcanguichij. Tabor urcupica, urmachinapaj linchita tendishca shinami carcanguichij. Cancunapajmanca jatun llaquimi shamugrin.

JOSUÉ 19:12

Jatun yacumantaca inti llujshin ladoman caj Saridman muyurishpa, Quislot-tabor lindecamami. Daberatta pasashpaca Jafiacamami huichiyan.

JOSUÉ 19:22

Chai llajtapaj lindeca caitami: Tabor, Sahazima, Bet-semes shuti pueblocunacama chayashpami Jordán jatun yacupi tucurin. Chai chunga sujta pueblocunapish, tucui muyundij llajtacunandijmi paicunapaj carca.

JOSUÉ 19:34

Inti huashicun lado lindeca, Aznot-taborta muyushpaca, Hucoc shuti pueblota pasashpami, ura ladoman caj Zabulón aillupaj llajtaman chayan. Inti huashicun lado lindeca Aser aillupaj llajtahuanmi. Inti llujshin lado lindeca Jordán yacuta catishpa, Judá aillupaj llajtahuanmi.

JUECES 4:11

Moisespaj suegro Hobab runapaj churi Heberca ceneocunapuramantami carca. Paica paicunapuramanta ch'icanyashpami, Cedes pueblo c'uchullapi caj Zaanaim pambapi tiyaj jatun yura c'uchullapi carpa huasita shayachishpa causacurca.

JUECES 4:13

Chaimantami Sísara runaca tucui paipaj carrocunata tandachirca. Paica 900 fierro carrocunandij, tucui paipaj soldadocunandijmi tandachirca. Chashna tandachishpami Haroset-goimmantaca Cisón jatun yacucama rirca.

JUECES 4:6

Chai Débora huarmimi, Cedespi causaj Neftalí aillupuramanta caj Abinoampaj churi Baracta cayanaman cachashpa cashna nirca: –Israelcunata Mandaj Diosca cantaca ¿manachu cashna mandarca?: Tabor urcuman rishpa cambaj gentecunata tandachi. Paicunataca Neftalipaj, Zabulonpaj aillucunamanta, 10.000 gentecunata canhuan cachun tandachi.

JUECES 8:18

Chai q'uipami Gedeonca Zebatapish, Zalmunatapish: –Tabor urcupi cancuna huañuchishca runacunaca ¿ima shina runacunataj carca?– nijpi paicunaca: –Can shinallatajmi carca. Paicunaca jatun mandajpaj churicuna shinami carca– nircacuna.