JUECES 3:7 - Dios Rimashca Shimicunami

⁷ Israelcunaca Mandaj Diospaj ñaupajpica millaita rurashpami, paicunata Mandaj Diostaca cungarircacuna. Baal dioscunatapish, Asera huarmi diosman rijchajta rurashca dioscunapajtapish rurashpami causarcacuna.

JUECES 3:7 Iomraidhean Croise

1 REYES 16:33

Acabca Asera huarmi diostajllatapishmi rurarca. Chashna rurashpaca, israelcunata paipaj ñaupa jatun mandajcuna israelcunata Mandaj Taita Diosta p'iñachingapaj juchallishcatapish yallimi juchallirca.

1 REYES 18:19

Cunanca tucui israelcunata Carmelo urcupi tandachichun cachai. Jezabel huarmipajpi micushpa causacuj Baalpaj 450 profetacunatapish, Asera diospaj 400 profetacunatapish tandachichigri– nircami.

2 REYES 23:14

Rumimanta imamanpish rijchajta rurashcacunatapish p'aquircami. Asera huarmi diosman rijchajcunatapish urmachircami. Chaicuna tiyashcapica huañushcacunapaj tullucunatami jundachirca.

2 REYES 23:6

Asera huarmi diosman rijchajtapish Mandaj Diospaj huasimanta llujshichichishpami Jerusalenmanta caruman caj Cedrón pugru pambaman apashpa chaipi rupachirca. Ña tucui ushpa tucujpica, huajchacuna huañujpi pambashca jahuatami shitachirca.

2 CRÓNICAS 15:16

Jatun mandaj Asaca paipaj mama Maacataca, paillatajmi jatun mandaj shina cashcamantaca anchuchirca. Asera huarmi diosman rijchajtapishmi chaimanta anchuchirca. Shinallataj Asaca, chai huarmi diostajllatapish p'aquishpami, Cedrón huaicupi rupachirca.

2 CRÓNICAS 24:18

Paicunapaj ñaupa yayacunata Mandaj Taita Diospaj huasitaca shitashpami saquircacuna. Chaimantaca Asera huarmi diostajllacunatapish, shujtaj rurashcalla dioscunapajtapishmi rurarcacuna. Chashna millaita rurashcamantami, Mandaj Diosca Judá llajtapi causajcunahuanpish, Jerusalenpi causajcunahuanpish p'iñarirca.

2 CRÓNICAS 33:19

Taita Diosta pai mañajpi cutichishcapish, Diosta mana cazushpa paimanta anchurishpa millaita rurashpa causashcapish, Dios ima nishcata paiman huillajcuna quillcashcapimi tiyacun. Shinallataj Diospaj ñaupajpi manaraj llaquirishpa, maillapi Asera huarmi diosman rijchajcunata churashcapish, shujtaj dioscunata rurashcapish, lomacunapi altarcunata rurashcapish ima tucunata huillajcuna quillcashcallapitajmi tiyacun.

2 CRÓNICAS 33:3

Paica lomacunapi tiyaj altarcunata paipaj yaya Ezequías urmachishcatami cutin shayachirca. Baal diospaj altarcunatapish rurachircami. Asera huarmi diosman rijchajcunatapish rurachircami. Jahua pachapi tucui imalla tiyajcunatapish adorarcami. Chaicunatami llaquihuai nishpa adorashpa mañarca.

2 CRÓNICAS 34:3

Josiasca, ña pusaj huatata mandacushpapish, chairaj huambrarajmi carca. Chashna huambraraj cashpami, ña chai huatapica paipaj ñaupa yaya Davidpaj Diosta mashcai callarirca. Pai ña chunga ishqui huatata mandacushpami Judapi, Jerusalenpi causajcuna Diospajlla tucuchunca, lomacunapi tiyaj altarcunatapish, Asera huarmi diosman rijchajcunatapish, shujtaj dioscunatapish, fierrota yacuyachishpa rurashca dioscunatapish tucui anchuchi callarirca.

2 CRÓNICAS 34:7

Altarcunatapish, Asera huarmi diosman rijchajcunatapish, shujtaj dioscunatapish, tucui Israel llajtapi chashna tucui ñutuchishca q'uipami Jerusalenman tigrarca.

SALMOS 106:35

Ashtahuanpish Taita Dios ama chagruringuichij nishca llajta gentecunahuanmi chagrurircacuna. Paicuna rurashca shina ruranatami yacharcacuna.

SALMOS 106:36

Chaicunapaj rurashcalla dioscunapajtami rurarcacuna. Chaimi jatun llaqui tucurcacuna.

SALMOS 106:7

Ñucanchij ñaupa yayacunaca, Egiptopica quiquin mancharinacunata rurashcataca mana entendircacunachu. Paicunata yallitaj llaquij cashcatapish mana yuyarircacunachu. Ashtahuanpish paicunaca Puca Cucha c'uchupica, quiquinta c'ariyarcacunami.

ÉXODO 34:13

Paicunapaj altarcunataca urmachinguichij. Paicunapaj rurashcalla dioscunatapish p'aquinguichij. Asera diosman rijchajcunatapish p'itinguichij.

JEREMÍAS 23:27

Ñuca runacuna ñucata cungarichunmi, paicuna muscushcataca caishujman chaishujman parlashpa purincuna. Paicunapaj ñaupa yayacuna ñucata cungarishpa, Baalta catishca shinallatatajmi rurashun nincuna.

DEUTERONOMIO 16:21

Mandaj Dios cambaj Taita Diospaj can shayachishca altar c'uchupica, Asera diospaj ima yuracunata ñataj tarpunguichijman.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

DEUTERONOMIO 8:11

Mandaj Dios cancunapaj Taita Diostaca amataj cungaringuichijchu. Pai mandashcacunata, pajtachinguitaj nishcacunata, chaitataj pajtachichun nishcacunata cunan ñuca yachachishpa mandashpa cushcacunata pajtachinapajmi chashna cana canguichij.

DEUTERONOMIO 8:14

cancunapaj shungupi jatun tucushpa, Egiptopi cancuna huatashca shina ruracujta llujshichimuj Mandaj Dios cancunapaj Taita Diosta ñataj cungaringuichijman.

DEUTERONOMIO 8:18

Ashtahuanpish chaicunata charichunca, Mandaj Dios cancunapaj Taita Dios fuerzata cushcatami manataj cungarina canguichij. Paimi charijyaj cachun fuerzata cujca. Paica cancunapaj ñaupa yayacunaman cushatajmi nishcata pajtachingapajmi cunan punlla cancunahuan chashna ruran.

JUECES 3:12

Israelcunaca cutinllatajmi Mandaj Diospaj ñaupajpi millaita rurarcacuna. Paicuna Mandaj Diospaj ñaupajpi millaita rurashcamantaca, Moab llajtata jatun mandaj Eglontami israelcunata llaquichichun paicunata yalli c'ari c'arita Mandaj Diosca rurarca.

JUECES 3:8

Chaimantami Mandaj Diosca israelcunahuanca nina sindirij shina yallitaj p'iñarishpa, Mesopotamia llajtata jatun mandaj Cusan-risataimpaj maquipi churarca. Israelcunaca pusaj huatatami chai mandajpajta rurashpa causarcacuna.

JUECES 6:25

Chai tutallatajmi, Mandaj Diosca Gedeontaca: –Cambaj yayapaj huagracunamanta shuj torota japi. Cati torotaca canchis huatayuj torota japi. Baal diospaj cambaj yaya rurashca altarta urmachi. Chai altar c'uchupi shayacuj Asera shuti huarmi diosman rijchajta rurashcalla diostapish p'itishpa shitai.

JUECES 8:33

Gedeón huañushca q'uipaca, israelcunaca cutinllatajmi Baal nishca dioscunahuan huainayarcacuna. Paicunapaj dios cachunca, Baal-berit diostami agllarcacuna.

JUECES 8:34

Israelcunaca paicunapaj muyundij llajtacunapi causajcuna p'iñashpa llaquichicujpi, paicunapaj Mandaj Dios quishpichishcataca mana yuyarircacunachu.

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.

1 SAMUEL 12:9

Ñaupa yayacunaca Mandaj paicunapaj Diosta cungarijpimi, paicunataca Hazor pueblo soldadocunata mandaj Sísara runapaj maquipi, filisteocunapaj maquipi, Moabta jatun mandajpaj maquipi churajpi macanacuita rurarcacuna.