JUECES 3:3 - Dios Rimashca Shimicunami

³ Filisteocunata pichca jatun mandajcuna, tucui cananeocuna, sidoniocuna, Lívano urcupi causaj heveocunapishmi carca. Paicunaca Baal-hermón urcumantaca, Hamatman rinacamami causarcacuna.

JUECES 3:3 Iomraidhean Croise

GÉNESIS 49:13

Zabulonca mama cucha uripimi causanga. Jatun barcocuna chayanapish llujshinapishmi canga. Cambaj llajtaca Sidoncamami canga.

2 SAMUEL 24:7

Chai q'uipaca sinchi pircayuj Tiro puebloman, heveocunapaj, cananeocunapaj tucui pueblocunamanpish rishpami, Judapi caj Neguev pamba Beerseba puebloman llujshircacuna.

1 REYES 8:65

Chai punllacunallatajmi Salomonca yallitaj achca tandanacushca tucui israelcunahuan canchis punllata fiestata rurarca. Paicunaca Hamat puebloman yaicunamanta callarishpaca, Egiptopi caj jatun yacucama causajcunami ñucanchij Mandaj Diospaj ñaupajpi tandanacurcacuna. Shujtaj canchis punllacunatapishmi fiestata rurarcacuna. Tucuimantaca chunga chuscu punllacunatami fiestata rurarcacuna.

1 REYES 9:20

Amorreo, heteo, ferezeo, heveo, jebuseo nishcacunapura saquirishcacunatami chashna rurachirca. Paicunaca mana israelcunami carca.

EZEQUIEL 47:20

Inti huashicun ladomanca, cashnami lindeca canga: Jatun Cucha huichitaca, Hamat puebloman yaicuna ch'imbapuracamami canga. Chashnami inti huashicun ladomanca lindeca canga.

NÚMEROS 13:29

Neguev pueblopica amaleccunami causaj cashca. Urcupi caj llajtacunapica heteocuna, jebuseocuna, amorreocunami causaj cashca. Mama cucha c'uchu llajtacunapi, Jordán yacu uripi caj llajtacunapica cananeocunami causaj cashca– nircami.

NÚMEROS 34:8

Hor urcumantaca, Hamatman yaicunacama señalangui. Chai lindeca Zedadman chayajtami canga.

DEUTERONOMIO 1:7

Cancunaca amorreocunapaj urcuman, chai c'uchullapi caj llajtacunaman richij. Arabá llajta urcucunapi, pugru pambacunapi, Neguev pambapi, mama cucha c'uchullapi causaj cananeocunapaj llajtapi, Líbano llajtapi, Éufrates jatun yacucama tucui chai llajtacunapi causagrichij.

DEUTERONOMIO 3:9

(Chai Hermón urcutaca, sidoniocunaca Sirión nincunami, amorreocunaca Senir nincunami).

JOSUÉ 11:19

Gabaonpi causaj heveocunallami, israelcunahuan mana macanacushun nishpa ama llaquichichun ari nichircacuna. Shujtaj pueblocunapi causajcunaca tucuicuna macanacushun nishpa jatarijpipish israelcunaca tucuicunatami mishashpa chai llajtacunataca japircacuna.

JOSUÉ 11:3

inti llujshin ladoman, inti huashicun ladoman causaj cananeocunata jatun mandajcunaman, urcucunapi causaj amorreocunata, heteocunata, ferezeocunata, jebuseocunata jatun mandajcunaman, Mizpa llajtapi caj Hermón urcu chaquipi causaj heveocunata jatun mandajmanpishmi tucuicuna tandanacushunchij nishpa huillaj cacharca.

JOSUÉ 13:3

Egiptomanta inti llujshin ladoman caj Sihor jatun yacumanta janaj lado Ecrón puebloman tupanacuncamami japina tiyanraj. Chai llajtacunaca cananeocunapajrajmi. Chai llajtacunataca Gaza, Asdod, Ascalón, Gat, Ecrón llajtacunata pichca jatun mandaj filisteocunami mandacun. Ura ladoman caj Aveocunapaj llajtatapish japinarajmi.

JOSUÉ 13:5

Giblitacunapaj llajtatapish, inti llujshin ladoman caj tucui Líbano llajtatapish, Baal-gat llajtamanta callarishpa Hermón urcu chaquita catishpa, Hamat puebloman yaicunacamami japina tiyanraj.

JOSUÉ 19:28

Hebrón, Rehob, Hamón, Caná shuti pueblocunapish, Sidón jatun pueblocamami paicunapaj lindeca muyun.

JOSUÉ 9:7

Chaimi israelcunaca heveocunataca: –Ñucanchij c'uchullapi causajcunallataj canguichijllatajmari. ¿Maitataj cancunahuanca imata ari ninacushunri?– nircacuna.

JUECES 10:12

Sidonpi causajcuna, amalecitacuna, Maonpi causajcuna llaquichicujpi ñucata mañajpica ¿manachu paicunapaj maquimanta llujshichircani?

JUECES 10:7

Mandaj Diosca nina sindirij shina israelcunahuan p'iñarishpami filisteocunapaj, amonitacunapaj maquipi churarca.

JUECES 14:4

Sansonpaj yaya mamaca, Mandaj Diospaj munaillataj chashna cajpi chashna tucucushcataca mana yacharcacunachu. Chai huatacunapica filisteocunami israelcunataca llaquichishpa charicurca. Chaimanta filisteocunahuan macanacuchingapajmi chashna rurarca.

JUECES 18:7

Pichca runacuna chaimanta llujshishpaca Lais pueblomanmi chayarcacuna. Chaipi causajcunataca, Sidonpi causajcuna shinallataj imata mana manchashpa, q'uilla causacujtami ricurcacuna. Chai Lais pueblopi causajcunaca pi mana p'iñachishca, imapish mana illaj sumajtami causacurcacuna. Sidón pueblomantapish carupimi carca. Shujtaj pueblocunapi causajcunahuanpish imata ruranapi ari ninacushcaca mana carcachu. Mandajtapish mana charircacunachu.

JUECES 3:2

Macanacuipi nunca mana caj q'uipa huiñai israelcuna ima shina macanacunata yachachunpishmi saquircaraj. Chai llajtacunaca caicunami:

JUECES 4:2

Chaimantami Mandaj Diosca, Canaán llajtata jatun mandaj Jabinpaj maquipi churarca. Pai mandashpa tiyanaca Hazor pueblopimi carca. Paipaj soldadocunata mandajca Sísara runami carca. Paica Haroset-goim pueblopimi causarca.

1 SAMUEL 13:5

Filisteocunapish israelcunahuan macanacungapajmi, 30.000 carrocunahuan, caballocunapi tiyarishca 6.000 runacunahuan, chaquillahuan purij soldadocunahuancarin t'iyu allpa shina mana yupaipaj achcacuna tandanacurcacuna. Bet-avén pueblomanta inti llujshin ladoman caj Micmas puebloman huichiyashpami, chaipi carpa huasicunata shayachishpa tiyarircacuna.

1 SAMUEL 29:2

Filisteocunata mandajcunaca paicunapaj soldadocunataca patsajcunapurapipish, huarangacunapurapipish tucuicunatami paicunapaj shutipi cayashpa ricurcacuna. Davidpish paipaj runacunapish Aquista cuidashpami paipaj huashata caticurcacuna.

1 SAMUEL 6:16

Chaita ricushpaca filisteocunata pichca mandajcunaca chai punllallatajmi Ecronman tigrarcacuna.

1 SAMUEL 6:18

Pichca mandajcuna mandacun filisteocunapaj llajtacunamantaca curimanta rurashca ucuchacunaca, mashna llajta cashca shinallatajmi carca. Muyundijta pircashca pueblocunamantapish, mana muyundijta pircashca pueblocunamantapish mashna llajta cashca shinallatajmi carca. Mandaj Diospaj arcata tiyachishca chai jatun rumica Bet-semes pueblomanta caj Josuepaj allpapimi cunancama tiyacun.

1 SAMUEL 6:4

Chaimi filisteocunaca: –Chai mana allita rurashcamanta cuna cashcataca ¿imatataj cushun?– nijpi paicunaca: –Filisteocunata mandajcunaca pichcami canguichij. Tucui cancunatapish cancunapaj jatun mandajcunatapish chai llaquillataj llaquichicushcamantaca curimanta rurashca pichca chupucunata, curimanta rurashca pichca ucuchacunata cachaichij.