JUECES 3:21 - Dios Rimashca Shimicunami

²¹ Pai jatarijpica Aodca, alli lado changamanta lluqui maquihuan espadata surcushcahuanmi Eglonpaj huijsapi satirca.

JUECES 3:21 Iomraidhean Croise

JOB 20:25

Paipaj cuerpotaca puntajlla caspimi tujsishpa llujshinga. Achij nicuj caspi puntami hielta chaupishpa llujshinga. Jatun manchaipishmi paitaca japinga.

ZACARÍAS 13:3

Chai punllapica, cashnapishmi tucunga: Maijan huillaj runa huillacujpica, paipaj quiquin yayallataj, paita huachaj mamallatajmi cashna ninga: Mandaj Diosmantami huillacuni nishpa llullashcamantaca, mana causanguichu nishpaca, paipaj quiquin yayallataj, paita huachaj mamallatajmi paitaca tujsishpa huañuchingacuna.

2 Corintios 5:16

Cunanca ñucanchijca pita mana ñaupa causaipi yuyashca shinaca yuyanchijchu, Cristotapish ñaupamanca aicha yuyashca shina yuyashca cashpapish cunanca mana chashna yuyanchijchu.

JUECES 3:16

Aodca, ishqui filoyuj chaupi metro shina suni espadatami rurashca carca. Paica churana ucupi chumbillirishpami alli lado changa uripi aparca.

JUECES 3:20

Ña tucui llujshijpica, usia punllacunapi tiyana ucupi paicunalla saquirishpami Aodca: –Can jatun mandajmanca, Dios ima nishcatamari huillaj shamuni– nijpimi Eglonca, pai tiyanamanta jatarirca.

JUECES 3:22

Eglonca yallitaj gordoyashca cajpimi, espadata satijpica maqui lutsanandij tucui yaicurca. Chaimi Aodca espadata mana surcui tucushpa chaillapitaj saquijpi mapa llujshirca.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.