JUECES 3:2 - Dios Rimashca Shimicunami

² Macanacuipi nunca mana caj q'uipa huiñai israelcuna ima shina macanacunata yachachunpishmi saquircaraj. Chai llajtacunaca caicunami:

JUECES 3:2 Iomraidhean Croise

GÉNESIS 2:17

Ashtahuanpish huerta chaupipi tiyaj yuraca allita mana allita yachaj chayachijmi. Chai yuramantaca ama micungui. Chai yuramanta micushpaca, chai punllallatajmi huañungui” nircami.

GÉNESIS 3:5

Ashtahuanpish chai yuramanta micushpaca cancunapaj ñahuicuna pascarijpi Taita Dios shina tucunata, allitapish, mana allitapish yachaj tucuna cashcatamari Taita Diosca yachan– nircami.

GÉNESIS 3:7

Ña micujpica, ishquindijpajtaj ñahuicuna pascarijpimi, paicunaca lluchulla cashcata yacharcacuna. Chaimi higo yura p'angacunata japishpa sirashpa ñaupaj ladota taparircacuna.

2 CRÓNICAS 12:8

Shina cashpapish, cunanca paipajta rurajcunami cagringuichij. Chashnami cancunaca ñucapajta rurashpa causanapish, shujtaj llajtacunata jatun mandajcunapajta rurashpa causanapish ima shina cashcata yachanguichij” nishpami huillachirca.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

1 Timoteo 6:12

Achcacunapaj ñaupajpi crishcata ricuchishcamantaca, crishcapica alli macanacushpa huiñai causaita chasquingacama alli catirai. Chaipaj Taita Dios cayashcami carcangui.

2 Timoteo 2:3

Canca Jesucristopaj alli soldado cashcamanta llaquicunata apailla.

2 Timoteo 4:7

Macanacuipica allimi mishashcani, callpashpa mishanacuitapish tucuchishcanimi, crishcatapish allimi cuidashcani.

JUECES 3:1

Canaanta japingapaj israelcuna macanacucujpi manaraj huacharishca israelcunata cazujta mana cazujta ricungapajmi Mandaj Diosllataj paicunataca saquirca.

JUECES 3:3

Filisteocunata pichca jatun mandajcuna, tucui cananeocuna, sidoniocuna, Lívano urcupi causaj heveocunapishmi carca. Paicunaca Baal-hermón urcumantaca, Hamatman rinacamami causarcacuna.