JUECES 3:16 - Dios Rimashca Shimicunami

¹⁶ Aodca, ishqui filoyuj chaupi metro shina suni espadatami rurashca carca. Paica churana ucupi chumbillirishpami alli lado changa uripi aparca.

JUECES 3:16 Iomraidhean Croise

2 SAMUEL 20:8

Gabaón c'uchupi tiyaj jatun rumiman ña paicuna c'uchuyagrijpimi, Amasa runaca Joabta tupanaman llujshirca. Joabca macanacuna churanata churarishca, chaitaca alli chumbillirishcami carca. Chai chumbillinapica espadata mana alli huaquichishcata huarcuchishcami carca. Chaimi chai espadaca pambaman urmarca.

SALMOS 149:6

Cancunapaj cungahuanca Taita Diosta jatunyachichigari. Cancunapaj maquipipish ishqui filoyuj espadata aisashca caichigari.

SALMOS 45:3

C'ari c'ari runa, cambaj espadata changa uripi apariyari. Quiquinpaj sumaj cashcahuan, mandaj cashcahuan chumbilliriyari.

CANTARES 3:8

Paicunaca tucuicunami espadata charicuncuna, macanacunatapish alli yachajcunami. Paicunata tuta ima manchachinamantapish cinturapi espadata aparishcamari.

Hebreos 4:12

Diospaj Shimica causajmi, tucuita rurai tucujmi. Ishqui filoyuj tucui espadacunatapish yalli cashcamanta: Almatapish, espiritutapish, mucucunatapish, tullu ñutcutapish, chaupirijta yaicujmi. Shungu imalla yuyashcata, munashcatapish ricuchijmi.

Apocalipsis 1:16

Paipaj alli lado maquipica, canchis luzerocunatami charicurca. Paipaj shimimantaca ishqui filoyuj puntasapa espadami llujshicurca. Paipaj ñahuipish inti punllapi inti lamyacuj shinami carca.

Apocalipsis 2:12

Pérgamo pueblopi caj tandanacushca crijcunapaj angelmanpish quillcai: “Ishqui filoyuj puntasapa espadata charicujca, cashnami nin:

JUECES 3:15

Chaipi llaquita apacushpami, israelcunaca Mandaj Diosta caparishpa mañarcacuna. Mandaj Diosca paicunata llujshichichunca Benjamín aillumanta Gerapaj churi Aodtami agllarca. Aodca lluquimi carca. Israelcunaca Moab llajtata jatun mandaj Eglonman convidanata cugrichunmi Aodta cacharcacuna.

JUECES 3:17

Chashna rishpami Aodca, Moab llajtata jatun mandaj Eglonman convidanata curca. Eglonca gordoyashca runami carca.

JUECES 3:21

Pai jatarijpica Aodca, alli lado changamanta lluqui maquihuan espadata surcushcahuanmi Eglonpaj huijsapi satirca.