JUECES 3:15 - Dios Rimashca Shimicunami

¹⁵ Chaipi llaquita apacushpami, israelcunaca Mandaj Diosta caparishpa mañarcacuna. Mandaj Diosca paicunata llujshichichunca Benjamín aillumanta Gerapaj churi Aodtami agllarca. Aodca lluquimi carca. Israelcunaca Moab llajtata jatun mandaj Eglonman convidanata cugrichunmi Aodta cacharcacuna.

JUECES 3:15 Iomraidhean Croise

2 SAMUEL 20:10

Amasaca Joab paipaj maquipi espadata charicujmantaca mana cuidarircachu. Chaimi huijsapi espadata Joab satijpi tucui chunllullicuna pambaman tallirijpi, Amasaca Joab manaraj cutin espadahuan satijpi huañurca. Chaimantaca Joabca, paipaj huauqui Abisaindijmi Bicripaj churi Seba runata llaquichingapaj catishpa rircacuna.

2 SAMUEL 20:9

Joabca Amasahuan tupashpaca: –Ñuca huauquicu ¿allillachu cangui?– nishpa, muchangapajmi alli lado maquihuanca Amasapaj barbaspi japirca.

1 CRÓNICAS 12:2

Chai soldadocunaca arcocunata apashcacunami carca. Puntajlla caspita shitanatapish, rumita huaracahuan shitanatapish alli maquihuanpish, lluqui maquihuanpish shitanata alli yachajcunami carca. Benjaminpaj aillupi Saulpaj huasi ucupuracunaca caicunami:

1 CRÓNICAS 8:3

Belapaj churicunaca: Adar, Gera, Abiud,

1 CRÓNICAS 8:5

Gera, Sefufán, Hiram shuticunami carca.

2 CRÓNICAS 9:24

Salomonman cungapaj rijcunaca huatantami curimanta, cullquimanta rurashca charinacunata, churanacunata, macanacunacunata, mishquijllata ashnajcunata, caballocunata, machucunata apajcuna carca.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 78:34

Chashna huañuchijpimi Taita Diostaca mashcarcacuna. Chaimi paitaca mana samashpalla mashcarcacuna.

SALMOS 90:15

Ñucanchijtaca mashna huatacunata llaquichishca cashpaca chai huatacunallatataj cushichihuayari. Mashna huatacunatami llaquita causarcanchij, chai huatacunallatataj cushichihuayari.

PROVERBIOS 18:16

Imallahuanpish rijpica, pungutaca pascanllami. Mandajcunapajmanpish jahualla yaicuchinllami.

PROVERBIOS 19:6

Mana mitsashpa imatapish cuj runahuanca, tucuicunami apanacusha nincuna. Paipajmanca pipish c'uchuyanllami.

PROVERBIOS 21:14

Imata pacalla camarishcaca yallitaj p'iñarishcatapish allichinllami. Chashna imallatapish ugllachishcaca, mana ricunachicujpipish allipi churanllami.

ISAÍAS 36:16

Chashna nijpipish Ezequiastaca ama uyaichijchu. Ashtahuanpish Asiria llajtata jatun mandajca cashnami nin: Ñucata rogarishpa ñucahuan alli tucuichij. Chashna cashpaca quiquin uva chagracunamanta, quiquin higo yuracunamantami micunguichij, quiquin pugyucunamantami yacutapish ubyanguichij.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

JUECES 2:16

Mandaj Diosca paicunata llaquichijcunapaj maquimanta quishpichichunca juezcunatami churarca.

JUECES 20:16

Benjaminpaj aillu tucui chai runacunapica, lluqui maquillahuan imatapish ruraj, 700 runacunami agllashcacuna tiyarca. Tucui chai runacunaca huaracahuan shuj ajchapi rumita shitashpapish, manataj panda shitajcunami carca.

JUECES 3:14

Chaimi israelcunaca chunga pusaj huatacunata, Moab llajtata jatun mandaj Eglonpajta rurashpa causarcacuna.

JUECES 3:16

Aodca, ishqui filoyuj chaupi metro shina suni espadatami rurashca carca. Paica churana ucupi chumbillirishpami alli lado changa uripi aparca.

JUECES 3:9

Chaipi llaquita apacushpami, israelcunaca Mandaj Diosta caparishpa mañarcacuna. Chaimi Mandaj Diosca paicunata llujshichichunca shuj pushajta churashpa chai llaquimanta llujshichirca. Chai runaca Calebpaj q'uipa huauqui Cenazpaj churi Otonielmi carca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.

1 SAMUEL 10:27

Ashtahuanpish millai shungu maijan runacunaca: “¿Cai runachari ñucanchijtaca shujtajcunapaj maquimantaca quishpichingari?” nishpa yanganchishpami imata mana convidarcacuna. Saulca, mana uyaj tucushpa imata mana nircachu.