JUECES 3:1 - Dios Rimashca Shimicunami

¹ Canaanta japingapaj israelcuna macanacucujpi manaraj huacharishca israelcunata cazujta mana cazujta ricungapajmi Mandaj Diosllataj paicunataca saquirca.

JUECES 3:1 Iomraidhean Croise

1 REYES 9:21

Chaicunaca israelcuna mana tucuita huañuchishcacunapaj huahua huahuacunami carca. Paicunatami Salomonca tributota cuchishpa sinchita trabajachirca. Chaitaca cunan punllacamami chashna rurachicun.

2 CRÓNICAS 32:31

Ezequiasca, allillachu cangui nichunpish, Judá llajtapi ima shina chashna yuyana allicunata rurashcata tapushpa yachaj chayachunpishmi, Babiloniamantaca maijan huillajcunata cacharca. Taita Diosca Ezequiastaca tucuipi ayudashca cashpapish, ima shina yuyaj cashcata ricungapajmi, chaicuna shamujpica paillata saquirca.

JOB 23:10

Ashtahuanpish paica ñuca causaitaca, tucuitami rijsin. Pai ñucata ima shinapish ricujpica, curi shinami llujshisha.

ÉXODO 15:25

Mandaj Diosta caparishpa Moisés mañajpi, Mandaj Dios shuj yurata ricuchijpi, chai yurata yacupi urmachijpimi chai yacuca mishquijlla tucurca. Chashnami Mandaj Diosca paicuna ima shina cashcata ricurca. Chaitataj pajtachichun nishcatapish, mandashcatapishmi curca.

PROVERBIOS 17:3

Curipish, cullquipish pailapi churashpa hornopi rupachijpimi, alli cashcaca ricurin. Ashtahuanpish runacunapaj shungutacarin Mandaj Diosmari ricucun.

JEREMÍAS 6:27

“Cantaca, ñuca agllashcacunapajca miticuna jatun torre shina sinchi cachunmi churarcani. Canllataj paicuna ima shina yuyajta, ima shina causajtaca callarishpami ricungui.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Juan 2:24

Crinchijmi nijpipish paicunapaj shungu ima shina cashcata yachashcamantami Jesusca paicunahuanca mana apanacurca.

DEUTERONOMIO 7:22

Mandaj Dios cancunapaj Taita Diosca chai llajta runacunataca, allimanta asha ashallami cancunapaj ñaupajmanta llujshichishpa cachanga. Sacha animalcuna jundashpa cancunata llaquichinamantami mana shuj cutin tucuicunata tucuchina canguichij.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

1 Pedro 4:12

C'uyashcacuna, cancuna crijtaj cashcata ricuchij llaquicuna nina shina cancunapajman shamujpica, ima mana ricushcata shinaca ama mancharichijchu.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

JUECES 1:1

Israelcunaca paicunata pushaj Josué huañushca q'uipami, Mandaj Diostaca: “Cananeocunahuanca ¿maijan aillutaj punta macanacugrina canchij?” nishpa tapurcacuna.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.

JUECES 2:23

Chaipajmi Mandaj Diosca, chai llajtapi causajcunataca Josuellataj tucuita llujshichishpa cachachunca mana paipaj maquipi churarca.

JUECES 3:2

Macanacuipi nunca mana caj q'uipa huiñai israelcuna ima shina macanacunata yachachunpishmi saquircaraj. Chai llajtacunaca caicunami: