JUECES 21:5 - Dios Rimashca Shimicunami

⁵ Chaipimi israelcunaca: “Tucui Israel aillucunapuramantaca ¿maijan aillutaj Mandaj Diospaj ñaupajpi tandanacunamanca mana huichiyamurca? nishpa tapunacurcacuna. Paicunaca Mizpa pueblopi Mandaj Diospajman maijanpish mana huichiyamujca huañuchishcami canga” nishpami Diospaj shutipi ninacushca carca.

JUECES 21:5 Iomraidhean Croise

JEREMÍAS 48:10

Mandaj Dios mingashcata mana cushicuihuan ruraj runaca, llaqui tucushca cachun. Paipaj espadahuan mana huañuchigrijpish, llaqui tucushca cachun.

JUECES 21:1

Israelcunaca Mizpa pueblopica Diospaj shutipimi: “Ñucanchij ushushicunataca Benjamín aillu runacunapaj huarmi cachunca manataj cushunchu” nishcacuna carca.

JUECES 21:18

Maijanpish Benjaminpaj ailluhuan paipaj ushushita cazarachijtaca: “Dios jatunta llaquichishca cachun” nishpami Diospaj shutipi nircanchij. Chaimanta ñucanchij ushushicunataca paicunapaj huarmi cachun manataj cui tucunchijchu.

JUECES 21:6

Israelcunaca paicunapaj huauqui Benjamín ailluta huañuchishcamantaca: “Cunan punllamari israelmanta shuj ailluta chingachina tucushca” nishpami achcata llaquirircacuna.

JUECES 5:23

Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.

1 SAMUEL 11:7

ishqui huagracunata japishpa mirga mirga p'itishpa, tucui Israel llajtapi causajcunaman chai aichata ricuchishpa cashna huillachun huillajcunata cacharca: “Maijanpish Saulpajman, Samuelpajman mana tandanacujcunapaj huagracunataca chashnallatajmi ruranga” nishpa huillachun cacharca. Chaimi Mandaj Dios tucui israelcunaman manchana yuyaita cujpi shuj shinalla tandanacurcacuna.

1 SAMUEL 14:24

Chai punllaca israelcunaca yallitaj shaicushcami carca. Saulca israelcunataca: “Manaraj tutayajpi, ñucata p'iñajcunata manaraj tigra llaquichishpaca, mana micunachu canchij nishpami ari nichirca. Maijanpish micujca jatun llaqui tucushcatajmi canga” nishcamantami israelcunaca imallatapish pi mana micurcacuna.